దెయ్యంతో ప్రేమ‌లో ప‌డ‌డం ఓ ర‌కంగా కొత్త పాయింటే. ‘ల‌వ్ మీ’ క‌థంతా ఈ పాయింట్ చుట్టూనే తిర‌గ‌బోతోంది. ఆశిష్ క‌థానాయ‌కుడిగా న‌టించిన సినిమా ఇది. దిల్ రాజు బ్యాన‌ర్‌లో తెర‌కెక్కించారు. ఈనెల 25న విడుద‌ల అవుతోంది.

హార‌ర్ నేప‌థ్యంలో సాగే ప్రేమ‌క‌థ ‘ల‌వ్ మి’. ఓ దెయ్యాన్ని చూసిన హీరో ప్రేమ‌లో ప‌డిపోతాడు. ఆ త‌ర‌వాత అత‌ని క‌థేమిట‌న్న‌ది ప్ర‌స్తుతానికి స‌స్పెన్స్‌. పాయింట్ లో వైవిధ్య‌ముంది. సాంకేతిక నిపుణుల బ‌లం కూడా తోడైంది. కీర‌వాణి, పీ.సీ శ్రీ‌రామ్ లాంటి దిగ్గ‌జాలు ఈ సినిమాకి ప‌ని చేస్తున్నారు. ఓ హార‌ర్ సినిమాకి ఇలాంటి క్రూని ఎంచుకోవ‌డం ఆస‌క్తిక‌ర‌మే. `బేబీ`తో హిట్టుకొట్టిన వైష్ణ‌వి ఈ సినిమాలో క‌థానాయిక‌. దాంతో ఇంకాస్త క్రేజ్ యాడ్ అయ్యింది. ట్రైల‌ర్ ఇంట్ర‌స్టింగ్ గా ఉంది. క‌థ‌లో కీ పాయింట్ రివీల్ చేసేశారు కూడా. హార‌ర్ జోన‌ర్ ఎప్పుడూ హాట్ కేకే. స‌రిగా భ‌య‌పెట్టాలంతే. హార‌ర్‌ని హార‌ర్‌లా చూపించి, నిజంగా భ‌య‌పెట్టి చాలా రోజులైంది. ఆ విష‌యంలో `ల‌వ్ మీ` స‌క్సెస్ అయితే…ఆశీష్ ఓ హిట్టు కొట్టిన‌ట్టే.