పుష్ష.. పుష్ష.. పుష్ష.. పుష్ష‌రాజ్‌…. అంటూ పూన‌కాలు తీసుకొచ్చాడు బ‌న్నీ. ‘పుష్ష 2’ నుంచి వ‌చ్చిన ఈ పాట.. ఇన్ స్టెంట్ హిట్ గా నిలిచింది. సుకుమార్ – దేవిశ్రీ కాంబోకు తిరుగులేద‌న్న విష‌యాన్ని మ‌రోసారి డీటీఎస్ సౌండ్ తో రూఢీ చేసేసింది. ఇప్పుడు శ్రీ‌వ‌ల్లి వంతు వ‌చ్చింది. ‘పుష్ష 2’ నుంచి రెండో పాట త్వ‌ర‌లోనే విడుద‌ల కాబోతోంది. ఈ పాట శ్రీ‌వ‌ల్లి క్యారెక్ట‌రైజేష‌న్‌ని ఎలివేట్ చేయ‌బోతోంది. ‘నా సామి’ పాట ఎంత పాపుల‌ర్ అయ్యిందో.. ఈ పాట కూడా అదే స్థాయిలో మార్మోగ‌బోతోంద‌ని టాక్‌. ఈ పాట‌కు సంబంధించిన ప్రోమో.. రేపు ఉద‌యం విడుద‌ల చేయ‌బోతున్న‌ట్టు మైత్రీ మూవీస్ సంస్థ అధికారికంగా ప్ర‌క‌టించింది. ఇక నుంచి వారం – ప‌దిరోజుల‌కు ‘పుష్ష 2’ నుంచి ఓ ఆప్ డేట్ రావ‌డం ఖాయంగా క‌నిపిస్తోంది. ఆగ‌స్టు 15న ఈ చిత్రాన్ని విడుద‌ల చేస్తున్న సంగ‌తి తెలిసిందే. రిలీజ్ డేట్ విష‌యంలో చాలామందికి చాలా అనుమానాలు ఉన్నాయి. కానీ చిత్ర‌బృందం మాత్రం.. ఆగ‌స్టు 15న విడుద‌ల చేయాల‌న్న ల‌క్ష్యంతో కృషి చేస్తోంది.
ప్ర‌స్తుతం హైద‌రాబాద్ లోని రామోజీ ఫిల్మ్ సిటీలో షూటింగ్ జ‌రుగుతోంది. మ‌లేషియాలో తీయాల్సిన స‌న్నివేశాల్ని ఇక్క‌డే సెట్ వేసి తీర్చిదిద్దుతున్నారు. ఫ‌హ‌ద్ ఫాజ‌ల్ డేట్ల కోసం చిత్ర‌బృందం ఎదురు చూస్తోంది. జూన్ తొలివారం నుంచి ఫ‌హ‌ద్ చిత్ర‌బృందానికి అందుబాటులో ఉంటాడ‌ని టాక్‌. జూన్‌లో ఓ భారీ షెడ్యూల్‌తో ఈ సినిమాని పూర్తి చేసే అవ‌కాశాలు క‌నిపిస్తున్నాయి.
