‘ప‌లాస’తో త‌న మార్క్ చూపించిన ద‌ర్శ‌కుడు కరుణకుమార్. ఆ త‌ర‌వాత వ‌చ్చిన ‘శ్రీ‌దేవి సోడా సెంట‌ర్‌’ జ‌స్ట్ ‘ఓకే’ అనిపించుకొంది. ఇప్పుడు వ‌రుణ్‌తేజ్ తో ‘మ‌ట్కా’ తెర‌కెక్కిస్తున్నాడు. ఈలోగా మ‌రో మెగా హీరోని లైన్ లో పెట్టిన‌ట్టు తెలుస్తోంది. ‘మ‌ట్కా’ త‌ర‌వాత వైష్ణ‌వ్ తేజ్ తో ఓ సినిమా చేయాల‌ని ప్లాన్ చేస్తున్నాడు క‌రుణ కుమార్‌. ఇటీవ‌ల ఓ లైన్ కూడా వినిపించిన‌ట్టు స‌మాచారం అందుతోంది. ‘
ఉప్పెన’తో ఓవ‌ర్ నైట్ స్టార్ అయిపోయాడు వైష్ణ‌వ్ తేజ్. అయితే ఆ త‌ర‌వాత వ‌రుస‌గా ఫ్లాపులు వైష్ణ‌వ్‌ని ఆగి,ఆలోచించుకొనేలా చేశాయి. ‘ఆది కేశ‌వ’ త‌ర‌వాత వైష్ణ‌వ్ మ‌రో క‌థ ఒప్పుకోలేదు. ఈలోగా చాలామంది ద‌ర్శ‌కులు, నిర్మాత‌లు వైష్ణ‌వ్‌తో సినిమా చేయాల‌ని చూశారు. కానీ క‌థ విష‌యంలో రాజీ ప‌డ‌క‌పోవ‌డంతో వైష్ణ‌వ్ ఒప్పుకోలేదు. ఎట్ట‌కేల‌కు కరుణకుమార్ చెప్పిన క‌థ న‌చ్చిన‌ట్టు తెలుస్తోంది. అన్నీ ఓకే అయితే ‘మ‌ట్కా’ త‌ర‌వాత ఈ ప్రాజెక్ట్ ప‌ట్టాలెక్కే ఛాన్సుంది. పూర్తి వివ‌రాలు త్వ‌ర‌లో వెల్ల‌డ‌వుతాయి.
