ఎన్టీఆర్ – ప్ర‌శాంత్ నీల్ కాంబో ఓకే అయిపోయింది. సెప్టెంబ‌రు నుంచి చిత్రీక‌ర‌ణ కూడా మొద‌లు పెట్ట‌డానికి స‌న్నాహాలు చేస్తున్నారు. ‘దేవర’ అవ్వ‌గానే ఎన్టీఆర్ ప్ర‌శాంత్ నీల్ ప్రాజెక్టుకు కాల్షీట్లు ఇచ్చేశాడు. ఈ చిత్రానికి ‘డ్రాగ‌న్‌’ అనే పేరు ప‌రిశీల‌న‌లో ఉంది. మ‌రోవైపు క‌థానాయిక ఎంపిక‌పై కూడా క‌స‌ర‌త్తు మొద‌లైంది. ఆ ఛాన్స్ రష్మిక‌కు ద‌క్కే అవ‌కాశాలు పుష్క‌లంగా క‌నిపిస్తున్నాయి.
మ‌హేష్‌, బ‌న్నీ.. ఇలా ఈత‌రం అగ్ర హీరోలంద‌రితోనూ జోడీ క‌ట్టింది రష్మిక. ఎన్టీఆర్‌తో మాత్రం న‌టించే అవ‌కాశం రాలేదు. ఎన్టీఆర్ – రష్మిక కాంబో… ఫ్రెష్షుగా క‌నిపిస్తుంది. అందుకే ర‌ష్మిక‌వైపు చిత్ర‌బృందం మొగ్గు చూపిస్తోంద‌ని టాక్‌. ప్ర‌స్తుతం రష్మిక చేతిలో చాలా సినిమాలే ఉన్నాయి. ‘రెయిన్ బో’, ‘గాళ్ ఫ్రెండ్‌’ అనే రెండు లేడీ ఓరియెంటెడ్ సినిమాలు చేస్తోంది. బాలీవుడ్ లో విక్కీ కౌశ‌ల్ తో ఓ సినిమా ఒప్పుకొంది. దానికి తోడు విజ‌య్ – రాహుల్ సంకృత్య‌న్ కాంబోలో సినిమాలోనూ త‌నే నాయిక. ఇప్పుడు ఎన్టీఆర్ సినిమానీ ప‌ట్టేసుకొంది. రష్మిక న‌టించిన ‘పుష్ష 2’ ఈ ఆగ‌స్టు 15న విడుద‌ల‌కు సిద్ధ‌మైన సంగ‌తి తెలిసిందే.
