`బింబిసార‌` సూప‌ర్ డూప‌ర్ హిట్ట‌వ్వ‌డంతో మ‌ళ్లీ ఫామ్ లోకి వ‌చ్చాడు కల్యాణ్ రామ్. ఆ త‌ర‌వాత అమిగోస్‌, డెవిల్ నిరాశ ప‌రిచాయి. వీటి త‌ర‌వాత ఓ సినిమా మొద‌లెట్టిన‌ప్ప‌టికీ దానికి సంబంధించిన వివ‌రాలేం బ‌య‌ట‌కు రాలేదు. ఈరోజు ఎన్టీఆర్ జ‌యంతి. ఈ సంద‌ర్భంగా క‌ల్యాణ్ రామ్ చిత్రానికి సంబంధించిన ఓ చిన్న గ్లింప్స్ విడుద‌ల చేశారు. ఆ విజువ‌ల్స్ చూస్తే క‌ల్యాణ్ రామ్ మ‌రోసారి యాక్ష‌న్ డ్రామాని ఎంచుకొన్నాడ‌ని అర్థం అవుతోంది. క‌ల్యాణ్ రామ్ క్యారెక్ట‌ర్‌ని గానీ, గెట‌ప్‌ని గానీ పూర్తిగా రివీల్ చేయ‌లేదు. టైటిల్ ఏమిటో కూడా చెప్ప‌లేదు. త్వ‌ర‌లోనే టైటిల్ ప్ర‌క‌టిస్తూ, ఓ టీజ‌ర్ విడుద‌ల చేసే అవ‌కాశం ఉంది.

ప్ర‌దీప్ చిలుకూరి ఈ చిత్రానికి ద‌ర్శ‌కుడు. విజ‌య‌శాంతి ఓ కీల‌క పాత్ర పోషిస్తున్నారు. బాలీవుడ్ నుంచి విల‌న్‌గా సోహైల్ ఖాన్‌ని దిగుమ‌తి చేశారు. స్టార్ కాస్ట్ కాస్త భారీగానే క‌నిపిస్తోంది. అయితే క‌థానాయిక పేరు మాత్రం ఇంకా ఖాయం చేయ‌లేదు. ఈ చిత్రానికి శ్రీ‌కాంత్ విస్సా క‌థ అందించారు. `కాంతారా` ఫేమ్ అజ‌నీష్ లోక్‌నాథ్ సంగీతాన్ని స‌మ‌కూరుస్తున్నారు. క‌ల్యాణ్ రామ్ కెరీర్‌లోనే భారీ బ‌డ్జెట్ తో ఈ చిత్రాన్ని నిర్మిస్తున్న‌ట్టు చిత్ర‌బృందం ప్ర‌క‌టించింది.