ప్ర‌భాస్ – హ‌నురాఘ‌వ‌పూడి కాంబోలో ఓ సినిమా రూపుదిద్దుకొంటోంది. ఈ చిత్రానికి ‘ఫౌజీ’ అనే పేరు ప‌రిశీలిస్తున్నారు. ఈ సినిమాలో ప్ర‌భాస్ పాత్ర ఏమిట‌న్న‌పై ఇప్ప‌టికీ క్లారిటీ రాలేదు. ఆయ‌న బ్రిటీష్ సైనికుడిగా క‌నిపించే అవ‌కాశాలు ఉన్నాయ‌ని ప్ర‌చారం జ‌రుగుతోంది. అయితే ప్ర‌భాస్ క్యారెక్ట‌ర్ పై ఓ ఆస‌క్తిక‌ర‌మైన విష‌యం తెలిసింది. ఇందులో ప్ర‌భాస్ బ్రాహ్మ‌ణ యువ‌కుడిగా నటించ‌నున్నాడు. ఓ పూజారి త‌న‌యుడిగా ప్ర‌భాస్ పాత్ర‌ని ఈ సినిమాలో ప‌రిచ‌యం చేయ‌బోతున్నారు. ఈ త‌ర‌హా పాత్ర పోషించ‌డం ప్ర‌భాస్ కు పూర్తిగా కొత్త‌. ‘అదుర్స్‌’, ‘డీజే’ సినిమాల్లో హీరోల్ని బ్రాహ్మ‌ణులుగానే చూపించారు. అయితే అందులో ఫ‌న్ ఎలిమెంట్ ఎక్కువ‌. హ‌ను త‌న హీరోల క్యారెక్ట‌ర్లు డిజైన్ చేసుకొనే ప‌ద్ధ‌తి వేరు. ఈ పాత్ర‌లో సీరియ‌స్‌నెస్ ఉంటుంది.

Also Read : హాట్ టాపిక్‌: ప్ర‌భాస్ పారితోషికం త‌గ్గించుకొన్నాడా?

స్వాతంత్య్రం రాక‌ముందు జ‌రిగిన కథ ఇది. అప్ప‌టి భార‌త‌పోరాటాన్ని తెర‌పై చూసే అవ‌కాశం ఉంది. దానికి తోడు హ‌ను సినిమాలంటే ప్రేమక‌థ‌ల‌కు స్కోప్ ఎక్కువ‌. హీరోయిన్ పాత్ర‌ల్ని అందంగా, అర్థ‌వంతంగా తీర్చిదిద్దుతారాయ‌న‌. ఈ సినిమాలో క‌థానాయిక పాత్ర‌కూ అంతే ప్రాధాన్యం ఉంద‌ని స‌మాచారం. ఆ పాత్ర‌లో ఎవ‌రు క‌నిపిస్తారో అన్న ఆసక్తి నెల‌కొంది. ‘సీతారామం’ ఫేమ్ మృణాల్ ఠాకూర్ క‌థానాయిక‌గా ఎంపిక‌య్యే అవ‌కాశాలు ఉన్నాయి. కానీ… చిత్ర‌బృందం ఇంకా బెట‌ర్ ఆప్ష‌న్ కోసం అన్వేషిస్తోంది. త్వ‌ర‌లోనే క‌థానాయిక ఎవ‌రో తెలిసిపోతుంది.