యువ క‌థానాయ‌కుడు విశ్వక్ సేన్ డిఫరెంట్ కథలు ప్రయత్నిస్తున్నారు. ఇటీవలే గ్యాంగ్స్ అఫ్ గోదావరితో ఓ పిరియడ్ యాక్షన్ డ్రామా చేశారు. ఇప్పుడు మళ్ళీ డెక్కన్ బ్యాక్ డ్రాప్ లో ‘మెకానిక్ రాకీ’ గా రాబోతున్నారు. నూతన దర్శకుడు రవితేజ ముళ్లపూడి డైరెక్షన్ చేస్తున్న ఈ చిత్రాన్ని ప్రముఖ నిర్మాత రామ్ తాళ్లూరి నిర్మించారు. ఈ రోజు మేకర్స్ గింప్స్ రిలీజ్ చేశారు.

నిమిషన్నర నిడివిగల ఈ గ్లింప్స్ లో సినిమాలోని ప్ర‌ధాన పాత్ర‌ల్ని ప‌రిచ‌యం చేసేశారు. ఇదొక ట్రై యాంగిల్ లవ్ స్టోరీ. విశ్వక్, మీనాక్షి చౌదరి, శ్రద్దా శ్రీనాధ్ పాత్రని గ్లింప్స్ లో ప్రజెంట్ చేసిన తీరు బావుంది. ఇందులో యాక్షన్ ఎలిమెంట్స్ కూడా వున్నాయి. విశ్వక్ హిందీ లో చెప్పిన డైలాగ్ ఆకట్టుకుంది. అలాగే డేంజర్ కి లైన్స్ వీడు అని నేపధ్యంలో వచ్చే బీజీఎం కూడా క్యాచిగా వుంది. సునీల్ గెటప్ కొత్తగా వుంది. ఆయ‌న ఒత్తైన మీస క‌ట్టుతో క‌నిపించ‌డం ఆక‌ట్టుకొంది. బ‌హుశా.. త‌నే ఈ సినిమా విల‌న్ ఏమో..? చివ‌ర్లో ‘ఎల్’ బోర్డుపై ఓ జోక్ పేల్చారు. కొత్త దర్శకుడు అన్నీ కమర్షియల్ ఎలిమెంట్స్ తో మెకానిక్ రాకీని తీర్చిదిద్దాడని గ్లింప్స్ చూస్తే అర్ధమౌతోంది. ఈ చిత్రం దీపావళి కానుకగా అక్టోబర్ 31న విడుదల కానుంది.