స్నేహితుల చుట్టూ తిరిగే కథలు ఎవర్ గ్రీన్. ఫన్, ఎమోషన్ సరిగ్గా పట్టాలే కానీ థియేటర్స్ లో కాసుల కురిపించే సత్తా వున్న సబ్జెక్ట్స్ ఇవి. జాతిరత్నాల తర్వాత ఇలాంటి కథల జోరు మరింతగా పెరిగింది. ఇప్పుడు గోదావరి నేపధ్యంలో ముగ్గురు స్నేహితుల కథగా ‘ఆయ్’ సినిమా తెరకెక్కింది. గీతా ఆర్ట్స్ 2, బన్నీ వాసు లాంటి నిర్మాత ఈ సినిమా వెనుకవున్నారు. ఎన్టీఆర్ బావమరిది నవీన్ హీరో. అంజి డైరెక్టర్. ఇప్పుడు ట్రైలర్ బయటికివచ్చింది. అది ప్రామిసింగ్ గానే క‌నిపిస్తోంది. పాట‌ల్లో రెండు బాగా వినిపిస్తున్నాయి. ఇవ‌న్నీ ఈ సినిమాకి క‌లిసొచ్చే అంశాలు.
ఊర్లో పేరుమోసిన ముగ్గురు వెదవలు గా ప్రధాన పాత్రలు పరిచయం చేసిన తీరు నవ్వించింది. ట్రైలర్ లో ఫన్ ఫ్యాక్టర్ బావుంది. ముఖ్యంగా సింగిల్ లైనర్స్ పేలాయి. అయితే అక్కడక్క డబల్ మీనింగ్స్ వినిపించాయి. లవ్ స్టొరీ కూడా కాస్త కొత్తగా వుంది. హీరోయిన్ క్యారెక్టర్ ని ‘కుల’శేఖర్ టైపులో తీర్చిదిద్దారు. ఉప్పెన రిఫరెన్స్ డైలాగ్ నవ్వించింది.
Also Read : గోదారోళ్ల టైటిలండీ.. ‘ఆయ్..’
మ్యూజిక్, కెమరాపనితనం, నిర్మాణ విలువలు డీసెంట్ గా వున్నాయి. ముగ్గురు స్నేహితుల నేపధ్యంలో సరదాగా సాగిపోయే సినిమా ఇది. ఫన్ పండితే వర్క్ అవుట్ అయినట్లే. ఆగస్ట్ 15న రెండు పెద్ద సినిమాల మధ్య విడుదల రెడీ అయ్యింది ఆయ్. చిన్న సినిమానే అయినా, గీతా ఆర్ట్స్ నుంచి వ‌స్తోంది కాబ‌ట్టి, థియేట‌ర్ల స‌మ‌స్య ఉండ‌క‌పోవొచ్చు. ఈ సినిమాకు అదో ప్ల‌స్ పాయింట్‌.
