రాజ్ తరుణ్ కెరీర్ ట్రాక్ తప్పింది. వరుస విజయాలతో ప్రామెసింగ్ యంగ్ స్టార్ అనే పేరుతెచ్చుకున్న రాజ్ తరుణ్… తర్వాత అంతే స్పీడ్ గా అపజయాల ఊబిలో కూరుకుపోయాడు. మొదట్లో మంచి కథలతో వచ్చిన రాజ్ తర్వాత కథ ఎంపికలో కూడా పట్టుతప్పి వరుస ఫ్లాప్స్ తెచ్చుకున్నాడు.
గత రెండు వారాల్లో రెండు సినిమాలు రాజ్ నుంచి వచ్చాయి. పురుషోత్తముడు, తిరగబడరాసామి. ఈ రెండు కూడా డిజాస్టర్ రిజల్ట్స్ ఇచ్చాయి. నిజానికి ఈ రెండు సినిమాలపైన పెద్దగా నమ్మకాలు లేవు. కానీ ఎక్కడైనా చిన్న అద్భుతం జరక్కపోదా? అని భావించాడు రాజ్. కానీ నిరాశే మిగిలింది.
ఇప్పుడు రాజ్ ఆశలన్నీ మారుతిపైనే వున్నాయి. మారుతి నిర్మాణ, సమర్పణ లో ‘భలే ఉన్నాడే’ అనే సినిమా చేస్తున్నాడు రాజ్ తరుణ్. దీనికి షో రన్నర్ మారుతినే. ఆయన సూపర్ విజన్ లోనే కథ రెడీ అయ్యింది. మారుతి సినిమా అంటే ప్రమోషన్స్ కూడా ప్రామెసింగ్ గా వుంటుంది. కాన్సెప్ట్ విష‌యంలోనూ ఢోకా ఉండ‌దు. ప్ర‌చార చిత్రాలు ప్రామిసింగ్ గానే ఉన్నాయి. దానికి తోడు రాజ్ తరుణ్ లుక్ బాగుంది. ఈ సినిమా హిట్ అయితే రాజ్ తరుణ్ ఎంతోకొంత ఊపిరి పీల్చుకుంటాడు. త్వరలోనే ఈ సినిమా రిలీజ్ డేట్ ని అనౌన్స్ చేస్తారు.
