మామూలు క‌మ‌ర్షియ‌ల్ క‌థ‌నైనా, దేవుడు, విజువ‌ల్ ఎఫెక్ట్స్ జోడించి చెప్ప‌డం ఇప్ప‌టి ట్రెండ్. అలాంటి క‌థ‌లే బాగా ఆడుతున్నాయి. వాటికి అవార్డులూ వ‌స్తున్నాయి. ‘కార్తికేయ 2’ అలాంటి సినిమానే. ఈ ట్రెండ్ కు లేటెస్ట్ ఉదాహ‌ర‌ణ‌.. ‘హ‌నుమాన్‌’. ఇప్పుడు సుధీర్ బాబు కూడా ఇదే ట్రెండ్ ఫాలో అవుతున్నాడు. సుధీర్ బాబు కొత్త సినిమాకు సంబంధించిన పోస్ట‌ర్ ఈ రోజు విడుద‌లైంది. దీనికి `జ‌టాధ‌ర‌` అనే పేరు పెట్టారు. సిక్స్ ప్యాక్ దేహం, చేతిలో త్రిశూలంతో ప‌వ‌ర్ ఫుల్ ఎంట్రీ ఇచ్చాడు సుధీర్ బాబు. శివుడి నేప‌థ్యం ఈ క‌థ‌లో మిళితం చేశార‌న్న విష‌యం టైటిల్, ఫ‌స్ట్ లుక్ పోస్ట‌ర్‌లోనే క‌నిపిస్తోంది. వెంక‌ట్ క‌ల్యాణ్ ఈ చిత్రానికి ద‌ర్శ‌కుడు. ప్రేర‌ణ అరోరాతో క‌లిసి సుధీర్ బాబు ఈ చిత్రాన్ని నిర్మిస్తున్నాడు. చిత్రీక‌ర‌ణ త్వ‌ర‌లో ప్రారంభం కాబోతోంది. 2025 మ‌హాశివ‌రాత్రి సంద‌ర్భంగా ఈ చిత్రాన్ని విడుద‌ల చేయ‌బోతున్న‌ట్టు నిర్మాత‌లు ప్ర‌క‌టించారు.

మైథాల‌జీ, సూప‌ర్ నేచుర‌ల్ ఎలిమెంట్స్ మిక్స్ చేసిన ఓ క‌మ‌ర్షియ‌ల్ క‌థ ఇద‌ని ద‌ర్శ‌క నిర్మాత‌లు చెబుతున్నారు. త్వ‌ర‌లోనే హైద‌రాబాద్ లో చిత్రీక‌ర‌ణ మొద‌లెడ‌తారు. ఈ సినిమాని పాన్ ఇండియా రేంజ్‌లో తెర‌కెక్కిస్తున్నారు. పేరున్న న‌టీన‌టులు, సాంకేతిక నిపుణులు ఈ సినిమాలో భాగం కానున్నారు. వాళ్ల వివ‌రాలు అతి త్వ‌ర‌లోనే ప్ర‌క‌టిస్తారు.