ప‌వ‌న్ కల్యాణ్ అభిమానుల‌కు ఇది మెగా న్యూస్‌. సెస్టెంబ‌రు 2.. ప‌వ‌న్ క‌ల్యాణ్ పుట్టిన రోజు. ఈ సంద‌ర్భంగా ‘ఓజీ’ టీజ‌ర్ విడుద‌ల చేస్తున్నారు. ఈ విష‌యాన్ని నిర్మాత డి.వి.వి.దాన‌య్య అధికారికంగా ప్ర‌క‌టించారు. నాని క‌థానాయ‌కుడిగా న‌టించిన చిత్రం ‘స‌రిపోదా శ‌నివారం’. ఈ చిత్రానికి ఆయ‌నే నిర్మాత‌. ‘స‌రిపోదా శ‌నివారం’ ప్ర‌మోష‌న్ కార్య‌క్ర‌మంలో దాన‌య్య పాల్గొన్నారు. ఈ సంద‌ర్భంగా ‘ప‌వ‌న్ క‌ల్యాణ్ పుట్టిన రోజున‌ ఓజీ టీజ‌ర్ ఉందా’ అనే ప్ర‌శ్న ఎదురైంది. దానికి ఆయ‌న ‘అవును.. వుంది’ అని స‌మాధానం చెప్పారు. త్వ‌ర‌లోనే ఓజీ షూటింగ్ మొద‌లు కానుంద‌ని ఆయ‌న అప్ డేట్ కూడా ఇచ్చారు.

Also Read : బాలీవుడ్ Vs సౌత్‌… దూరం పెరుగుతోందా?

వ‌వ‌న్ – సుజిత్ కాంబోలో రూపుదిద్దుకొంటున్న సినిమా ‘ఓజీ’. గ‌తేడాది వ‌ప‌న్ క‌ల్యాణ్ పుట్టిన రోజు సంద‌ర్భంగా ‘ఓజీ’ టీజ‌ర్ విడుద‌లైంది. ఆ టీజ‌ర్‌… ఫ్యాన్స్‌కు బాగా న‌చ్చేసింది. అందులోని ప‌వ‌న్ క‌ల్యాణ్ స్టైలింగ్, డైలాగులు ఫ్యాన్స్ ని ఆక‌ట్టుకొన్నాయి. ఈసారి టీజ‌ర్ ఏ రేంజ్ లో ఉంటుందో అని అంతా ఆస‌క్తిగా ఎదురు చూస్తున్నారు. అక్టోబ‌రులో ‘ఓజీ’ కొత్త షెడ్యూల్ ప్రారంభం కానుంది. చిత్ర‌బృందం అందుకు సంబంధించిన స‌న్నాహాల్లో బిజీగా ఉంది. త‌మ‌న్ ఈ చిత్రానికి సంగీతాన్ని అందిస్తున్న సంగ‌తి తెలిసిందే.