అల్లు అర్జున్ ఓ సినిమా వేడుక‌లో క‌నిపించి చాలా కాల‌మైపోయింది. ఈరోజు ఆయ‌న హైద‌రాబాద్ లో జ‌రిగే మారుతి న‌గ‌ర్ సుబ్ర‌హ్మ‌ణ్యం ప్రీ రిలీజ్ వేడుక‌కు అతిథిగా రాబోతున్నారు. ఇదే కార్య‌క్ర‌మంలో సుకుమార్ కూడా పాలు పంచుకోనున్నారు. దాంతో ఈ ఈవెంట్ పై అంద‌రి దృష్టీ ప‌డింది.

గెట్ రెడీ: ‘OG’ టీజ‌ర్ వ‌స్తోంది!

రావు ర‌మేష్ కీల‌క పాత్ర పోషించిన సినిమా ఇది. ‘పుష్ష 2’లో ఆయ‌న ఉన్నారు. అందుకే రావు ర‌మేష్ పై అభిమానంతో బ‌న్నీ, సుకుమార్ ఈ సినిమా ప్ర‌మోష‌న్స్ లో పాలు పంచుకొంటున్నారు. అది కాదు ఇక్క‌డ మేట‌ర్‌. ‘పుష్ష 2’ గురించీ, బ‌న్నీ – సుకుమార్ ల మ‌ధ్య గ్యాప్ గురించీ ఈమ‌ధ్య ర‌క‌ర‌కాల వార్త‌లు వ‌చ్చాయి. బ‌న్నీ గెడ్డం తీసేస్తే.. అది కూడా వార్తే అయ్యింది. ఆగ‌స్టు 15న రావాల్సిన ‘పుష్ష 2’ డిసెంబ‌రు 6కి వాయిదా ప‌డింది. అప్ప‌టికైనా వ‌స్తుందా, రాదా? అనేది పెద్ద డౌటు. వీట‌న్నింటికీ ఈ రోజు క్లారిటీ వ‌స్తుందేమో అనే ఆశ బ‌న్నీ ఫ్యాన్స్‌కు ఉంది. ఇదే వేదిక‌పై సుకుమార్ కూడా ఉంటాడు కాబ‌ట్టి, త‌మపై వ‌చ్చిన రూమ‌ర్ల‌కు బ‌న్నీ చెక్ పెట్టే అవ‌కాశం ఉంది. ‘ఎందుకొచ్చిన గొడ‌వ‌..’ అనుకొంటే మాత్రం ‘మారుతి న‌గ‌ర్‌’ గురించి నాలుగు ముక్క‌లు మాట్లాడి ‘మ‌మ‌’ అనిపించొచ్చు. కానీ బ‌న్నీ ఆ టైపు కాదు. ఎక్క‌డి లెక్క‌లు అక్క‌డే క్లియ‌ర్ చేసే ర‌కం. ఈ వేదిక‌ను కూడా బ‌న్నీ వాడుకొనే అవ‌కాశాలు ఉన్నాయ‌ని, బ‌న్నీ స్పీచ్ చాలా ప్ర‌శ్న‌ల‌కు స‌మాధానంగా నిలుస్తుంద‌ని ఆయ‌న సన్నిహితులు హింట్ ఇస్తున్నారు. మ‌రి.. ఈరోజు బ‌న్నీ ఏం మాట్లాడ‌తాడో చూడాలి.