‘ఉప్పెన‌’తో వైష్ణ‌వ్ తేజ్ ప‌రిచ‌యం అయ్యాడు. ఆ సినిమా సూప‌ర్ డూప‌ర్ హిట్ అయ్యింది. ఇండ‌స్ట్రీకి మ‌రో యూత్ హీరో దొరికాడ‌నుకొన్నాంతా. అయితే ఆ త‌రువాత చేసిన మూడు సినిమాలూ ఫ్లాపే. మ‌రో ప‌రాజ‌య భారం మోసే ఓపిక వైష్ణ‌వ్ తేజ్‌కు లేదు. అందుకే క‌థ‌ల విష‌యంలో ఆచి తూచి స్పందిస్తున్నాడు వైష్ణ‌వ్‌. ‘ఆది కేశ‌వ‌’ త‌ర‌వాత వైష్ణ‌వ్ సినిమాకు సంబంధించిన ప్ర‌క‌ట‌న ఏదీ బ‌య‌ట‌కు రాలేదు. చాలామంది ద‌ర్శ‌కులు క‌థ‌లు చెప్పినా పెద్ద‌గా స్పందించ‌లేదు. చివ‌రికి ఓ కథ ‘ఓకే’ చేసిన‌ట్టు తెలుస్తోంది.

ర‌చ‌యిత కృష్ణ‌చైత‌న్య ఇటీవ‌ల వైష్ణ‌వ్ తో భేటీ అయ్యారు. వీరిద్ద‌రి మ‌ధ్యా కథా చ‌ర్చ‌లు జ‌రిగిన‌ట్టు టాక్‌. కృష్ణ చైత‌న్య చెప్పిన క‌థ వైష్ణ‌వ్ కి బాగా న‌చ్చింద‌ట‌. దాంతో ఈ కాంబో సెట్ అయ్యే అవ‌కాశాలు క‌నిపిస్తున్నాయి. శ్రీ‌నివాస చిట్టూరి ఈ చిత్రానికి నిర్మాత‌గా వ్య‌వ‌హ‌రించే అవ‌కాశం ఉంది. ఇటీవ‌ల ‘గ్యాంగ్స్ ఆఫ్ గోదావ‌రి’ సినిమాకు ద‌ర్శ‌క‌త్వం వ‌హించారు కృష్ణ చైత‌న్య‌. ఆ సినిమా ఫ్లాప్. అయితే వెంట‌నే… విశ్వ‌క్ సేన్ కృష్ణ చైత‌న్య‌కు మ‌రో ఆఫ‌ర్ ఇచ్చారు. చైత‌న్య కృష్ణ‌తో విశ్వ‌క్ మరో సినిమా చేయ‌డానికి ఒప్పుకొన్నాడు. ఈలోగా వైష్ణ‌వ్ తేజ్ ని కూడా సెట్ చేసి పెట్టుకొన్నాడు. ఈ రెండు సినిమాల్లో ఏది ముందు మొద‌ల‌వుతుందో చూడాలి.