అన్న క్యాంటీన్ల‌లో శుభ్ర‌త‌, ప్లేట్లు క‌డిగే అంశంపై జ‌రుగుతున్న విష ప్ర‌చారంపై మంత్రి నారా లోకేష్ మండిప‌డ్డారు. త‌ణుకులో వైసీపీ మూక‌లు చేతులు క‌డిపే ప్లేసులో ప్లేట్స్ వేశార‌ని, అవి తీస్తుంటే వీడియోలు తీసి… అన్న క్యాంటీన్ల‌పై విష ప్ర‌చారం చేస్తున్నార‌న్నారు. అన్న క్యాంటీన్ల‌పై సైకో జ‌గ‌న్ అండ్ కో ఈ ప్ర‌చారాలు చేస్తూనే ఉంటార‌ని మండిప‌డ్డారు.

త‌ణుకు అన్న క్యాంటీన్ల వీడియోపై మున్సిప‌ల్ మంత్రి నారాయ‌ణ ఆరా తీశారు. అధికారుల‌తో పాటు హ‌రేకృష్ణ ప్ర‌తినిధుల నుండి వివ‌రాలు అడిగి తెలుసుకున్నారు. ప్లేట్ల‌ను మురికి నీటిలో క‌డుగుతున్నార‌న్న‌ది పూర్తిగా అవాస్త‌వ‌మ‌ని, వాష్ బేసిన్ లో కావాల‌నే కొంద‌రు ప్లేట్స్ వేశార‌ని… అవి తీస్తుంటే క‌డుగుతున్నారంటూ ప్ర‌చారం చేశార‌న్నారు.

సోష‌ల్ మీడియాలో పెట్టిన వీడియోలు పూర్తిగా అవాస్త‌వ‌మ‌ని… ఎంత మంది వ‌చ్చినా లేద‌న‌కుంటా భోజ‌నం ఏర్పాట్లు చేయ‌టంతో పాటు శుభ్ర‌త‌కు ప్రాధాన్య‌త ఇస్తున్న‌ట్లు మంత్రి స్ప‌ష్టం చేశారు.