వ‌రుస విజ‌యాల‌తో దూసుకుపోతున్నాడు నాని. త‌న మార్కెట్ రోజు రోజుకీ పెంచుకొంటూ వెళ్తున్నాడు.నాని నుంచి వ‌స్తున్న మ‌రో సినిమా.. నిన్ను కోరి. నివేధా ధామ‌స్ క‌థానాయిక‌గా న‌టించింది. ఆది పినిశెట్టి కీల‌క పాత్ర పోషించాడు. ట్రైల‌ర్ ఈరోజే.. బ‌య‌ట‌కు వ‌దిలారు. ఓ ల‌వ్ స్టోరీ.. వినోదం.. బ్రేక‌ప్‌… విర‌హం… క‌థ ఇలా సాగ‌బోతోంద‌ని ట్రైల‌ర్‌లో తెలిసిపోతోంది. నాని టైమింగ్‌, జోవియ‌ల్ న‌ట‌న.. ట్రైల‌ర్‌లో మ‌రోసారి ప్ర‌స్పుటంగా క‌నిపిస్తోంది. ఇదో రొమాంటిక్ కామెడీ మూవీ.. ఎమోష‌న్లు కూడా బ‌లంగా ద‌ట్టించిన‌ట్టు అనిపిస్తోంది. `వ‌న్స‌పానె టైములో… వైజాగ్ బిచు రోడ్డులో` అనే పాట… కొంత‌కాలం వినేలా ఉంది. ఇప్ప‌టికే `నిన్ను కోరి` కోసం విడుద‌ల చేస్తున్న ఓ గీతం శ్రోతల్ని ఆక‌ట్టుకొంది. మొత్తానికి గోపీసుంద‌ర్‌ మ్యూజిక్ ఈ సినిమాకి బాగా ప్ల‌స్ అయ్యేలా క‌నిపిస్తోంది. ఆది పినిశెట్టి పాత్ర ఈ చిత్రంలో కీల‌కం కానుంది. ఆ పాత్ర పండింతే.. సినిమా హిట్టు గ్యారెంటీ. దానికి తోడు.. నాని ఓ డిఫ‌రెంట్ లుక్‌లో క‌నిపిస్తున్నాడు. `నీకు అర్థం అవుతోందా… నా గెలుపు ఆల్రెడీ మొద‌లైపోయింది` అన్న‌చోట నాని లుక్ చూస్తే షాక్ అవ్వాల్సిందే. సో… నాని నుంచి మ‌రో స‌క్సెస్ ఫుల్ ల‌వ్ స్టోరీ.. ఆశించేయొచ్చు. బీ రెడీ.
ట్రైల‌ర్ టాక్ : ‘నిన్ను కోరి’
