త్వ‌ర‌లోనే మోహ‌న్ బాబు మెగా ఫోన్ ప‌ట్ట‌బోతున్నారా? అందుకు రంగం సిద్ధం అవుతోందా?? అవుననే అంటున్నాయి ఫిల్మ్ న‌గ‌ర్ వ‌ర్గాలు. మంచు విష్ణు కోసం `భ‌క్త క‌న్న‌ప్ప‌` అనే స్క్రిప్టు రెడీగా ఉంది. ఈ చిత్రాన్ని అంత‌ర్జాతీయ స్థాయి సాంకేతిక నిపుణుల‌తో తెరకెక్కించాల‌న్న‌ది మోహ‌న్ బాబు ఆలోచ‌న‌. బాలీవుడ్ న‌టీన‌టులూ… ఇందులో క‌నిపించ‌బోతున్నారు. త‌నికెళ్ల భ‌ర‌ణి రూపొందించిన ఈ స్క్రిప్టుకి ద‌ర్శ‌కుడెవ‌ర‌న్న‌ది ఇంకా తేల‌లేదు. చివ‌రికి ఈ ప్రాజెక్టు ముందుకు న‌డిపించ‌డానికి మోహ‌న్ బాబే.. పూనుకొన్నార‌ని తెలుస్తోంది. మోహ‌న్ బాబు కెరీర్ స‌హాయ ద‌ర్శ‌కుడిగానే మొద‌లైంది. నిర్మాత‌గా 50 చిత్రాల్ని రూపొందించారాయ‌న‌. ద‌ర్శ‌క‌త్వం మాత్రం చేయ‌లేదు. భ‌క్త‌క‌న్న‌ప్ప‌తో ఆ లోటు తీర్చుకొందామ‌ని భావిస్తున్నార్ట‌. అదే నిజ‌మైతే ఈ క‌న్న‌ప్ప క‌థ‌కు జ‌వ‌స‌త్వాలు వ‌చ్చేసిన‌ట్టే. 2018లో ఈ ప్రాజెక్ట్ మొద‌ల‌య్యే అవకాశాలున్నాయి. మోహ‌న్ బాబు ద‌ర్శక‌త్వం వ‌హించినా, వహించ‌కపోయినా… ఈ సినిమాలో ఆయ‌న పాత్ర ఉండ‌బోతోంది. క‌ల‌క్ష‌న్ కింగ్ శివుడిగా క‌నిపిస్తార‌ని ఓ టాక్ బ‌లంగా వినిపిస్తోంది.