స్పైడర్ ప్ర‌చారం స్పీడందుకొంది. ఇంట‌ర్వ్యూల హంగామా మొద‌లైంది. అందులో భాగంగా ఓ టీవీ ఛాన‌ల్ కోసం ప్ర‌ముఖ న‌టి రోజా మ‌హేష్‌ని ఇంట‌ర్వ్యూ చేసింది. ఆమ‌ధ్య ఖైది నెం.150 కోసం చిరుతో చిట్ చాట్ చేసింది రోజా. ఆ ఇంట‌ర్వ్యూకి మంచి స్పంద‌న వ‌చ్చింది. అందుకే… మ‌హేష్ – రోజాల‌తో ఇంట‌ర్వ్యూ ప్లాన్ చేసింది చాన‌ల్ యాజ‌మాన్యం. సోమ‌వారం అన్న‌పూర్ణ సెవెన్ ఏక‌ర్స్‌లో మ‌హేష్ – రోజా ఇంట‌ర్వ్యూ జ‌రిగింది. ఇందులో రోజా… కొన్ని స‌ర‌దా ప్ర‌శ్న‌లు అడిగితే, మ‌హేష్ కూడా అంతే స‌ర‌దాగా స‌మాధానాలు ఇచ్చాడు. మ‌హేష్ లోని సెన్సాఫ్ హ్యూమ‌ర్ ఈ ఇంట‌ర్వ్యూలో మ‌రింత బ‌య‌ట‌కు వ‌చ్చింద‌ని స‌మాచారం. మంగ‌ళ‌వారం ఈ ఇంట‌ర్వ్యూ టెలీకాస్ట్ అయ్యే ఛాన్సుంది.
బెనిఫిట్ షోలు లేవు
జై ల‌వ‌కుశ‌కు ఫ్యాన్స్ షోలు ప‌డ‌లేదు. పోలీసులు అనుమ‌తి నిరాక‌రించ‌డంతో అభిమానుల‌కు నిరాశ త‌ప్ప‌లేదు. స్పైడ‌ర్‌కీ అదే ప‌రిస్థితి ఎదురైంది. బెనిఫిట్ షోలూ, ఫ్యాన్స్ షోల‌కు పోలీసులు అనుమ‌తి నిరాక‌రించారు. ఉద‌యం ఆరు గంట‌ల ఆట‌కు కూడా నో చెప్పార‌ని తెలుస్తోంది. దాంతో.. 8.45 షోతోనే స్పైడర్ హంగామా మొద‌లుకాబోతోంది. గోదావ‌రి జిల్లాల్లో ఉద‌యం 5 గంట‌ల‌కే తొలి షో ప‌డే ప‌డ‌బోతోంద‌ట. మిగిలిన జిల్లాల్లోనూ ప్ర‌త్యేక షోలు ప్లాన్ చేస్తున్నారు. ఒక్క హైద‌రాబాద్‌లోనే మ‌హేష్ అభిమానుల‌కు ఈ అవ‌కాశం ద‌క్క‌లేదు.
