రామ్‌చ‌ర‌ణ్ సినిమాల విష‌యంలో ఉపాస‌న కాస్త కేరింగ్ తీసుకొంటున్న‌ట్టే క‌నిపిస్తోంది. రంగ‌స్థ‌లం సెట్లో త‌ర‌చూ ఉపాస‌న ఎంట్రీ ఇవ్వ‌డ‌మే అందుకు నిద‌ర్శ‌నం. అయితే ఇప్పుడు `సైరా`లోనూ ఉపాస‌న హ‌స్తం ఉన్న‌ట్టు టాక్‌. ఈ సినిమాకి రామ్ చ‌ర‌ణ్ నిర్మాత‌. అయితే చెర్రీ రంగ స్థ‌లం హ‌డావుడిలో ఉన్నాడు. సురేంద‌ర్ రెడ్డి అండ్ టీమ్‌తో డీల్ చేస్తూ.. వాళ్ల‌కు కావ‌ల్సిన స‌రంజామాని ఉపాస‌నే అందిస్తోంద‌ని తెలుస్తోంది. ఒక విధంగా ఈ సినిమాకి ఉపాస‌న వ‌ర్కింగ్ ప్రొడ్యూస‌ర్ అవ‌తారం ఎత్తింద‌ని టాక్‌. ఉపాస‌న మేనేజ్‌మెంట్ స్కిల్స్ పై చ‌ర‌ణ్‌కి న‌మ్మ‌కం ఎక్కువ‌. ధృవ‌కు సంబంధించిన ప్ర‌మోష‌న్ యాక్టివిటీస్ అన్నీ ఉపాస‌న ద‌గ్గ‌రుండి చూసుకొంది. ఖైది నెం.150 కూడా అంతే. అందుకే.. సైరాని కూడా చ‌ర‌ణ్ ఉపాస‌న చేతుల్లో పెట్టాడ‌ట‌. సురేంద‌ర్ రెడ్డి ద‌ర్శ‌క‌త్వం వ‌హిస్తున్న ఈ చిత్రం ప్ర‌స్తుతం ప్రీప్రొడ‌క్ష‌న్ ద‌శ‌లో ఉంది. దీపావ‌ళి త‌ర‌వాత షూటింగ్ మొద‌లెడ‌తారు. న‌య‌న‌తార క‌థానాయిక‌గా న‌టిస్తోంది. ఐశ్వ‌ర్య‌రాయ్‌, అనుష్క‌ల‌కూ క‌థానాయిక‌లుగా స్థానం ద‌క్కింద‌ని టాక్‌. రెగ్యుల‌ర్ షూటింగ్ మొద‌ల‌య్యేలోగా ఈ విష‌యంపై ఓ స్ప‌ష్ట‌త వ‌చ్చే అవ‌కాశం ఉంది.