పెళ్లి చూపులు సినిమా ఎంత సూప‌ర్ డూప‌ర్ హిట్ అయ్యిందో తెలిసిందే. రూపాయికి ప‌ది రూపాయ‌ల లాభం తీసుకొచ్చింది. పెళ్లి చూపులుతో చిన్న సినిమాకు మ‌ళ్లీ ఊపిరి పోశాడు త‌రుణ్ భాస్క‌ర్‌. త‌న‌తో సినిమాలు చేయ‌డానికి బ‌డా హీరోలు సైతం మొగ్గు చూపినా, త‌రుణ్ మాత్రం రెండో సినిమా విష‌యంలో నింపాదిగా అడుగులు వేస్తున్నాడు. ఇప్పుడు రెండో చిత్రానికీ శ్రీ‌కారం చుట్టాడు. పెళ్లి చూపులు లానే ఇది కూడా న్యూ జ‌న‌రేష‌న్ ల‌వ్ స్టోరీనే అట‌. అందుకే పూర్తిగా కొత్త వాళ్ల‌తో ఈ సినిమా తెర‌కెక్కిస్తున్నాడు. దీన్ని సురేష్ ప్రొడ‌క్ష‌న్స్ సంస్థ నిర్మిస్తోంది. పెళ్లి చూపులు స‌మ‌యంలోనే సురేష్ ప్రొడ‌క్ష‌న్స్‌తో ఓ సినిమా చేయ‌డానికి ఒప్పందం కుదుర్చుకొన్నాడు త‌రుణ్ భాస్క‌ర్‌. అందులో భాగంగానే ఈ సినిమా ని ప‌ట్టాలెక్కించారు. ఈ రోజు ఈ చిత్రం లాంఛ‌నంగా మొద‌లైంది. హీరో, హీరోయిన్లు అంతా కొత్త‌వాళ్లే. త్వ‌ర‌లోనే పూర్తి వివ‌రాలు బ‌య‌ట‌కు వ‌స్తాయి.