తమిళ నాట ఘ‌న విజ‌యం సాధించిన చిత్రం ‘విక్ర‌మ్ వేదా’. మాధ‌వ‌న్‌, విజ‌య్ సేతుప‌తి క‌ల‌సి న‌టించిన ఈచిత్రం బాక్సాఫీసు ద‌గ్గ‌ర భారీ వ‌సూళ్ల‌నురాబ‌ట్ట‌డ‌మేకాదు, విమ‌ర్శ‌ల‌కు ప్ర‌శంస‌లూ అందుకొంది. ఇప్పుడీ చిత్రాన్ని తెలుగులో రీమేక్ చేస్తున్నారు. ఇప్ప‌టికే సురేష్ ప్రొడ‌క్ష‌న్స్ సంస్థ ‘విక్ర‌మ్ వేదా’ రీమేక్ హ‌క్కుల్ని సొంతం చేసుకొంది. వెంక‌టేష్ – రానా ఈ సినిమా చేస్తార‌ని జోరుగా ప్ర‌చారం జ‌రిగింది. అయితే వెంకీ చేతిలో వేరే క‌మిట్‌మెంట్స్ ఉండ‌డంతో వెంక‌టేష్ స్థానంలో మ‌రో హీరో కోసం అన్వేషించారు. ఆ పాత్ర ఇప్పుడు ర‌వితేజ‌కు ద‌క్కిన‌ట్టు స‌మాచారం. ర‌వితేజ ఇటీవ‌ల విక్ర‌మ్ వేద‌ని చూడ‌డం, ఈ సినిమాలో న‌టించ‌డానికి ఓకే చెప్ప‌డం జ‌రిగాయ‌ని స‌మాచారం. తెలుగు నేటివిటీకి త‌గిన‌ట్టు కొన్ని చిన్న చిన్న మార్పులు చేస్తున్నారు. స్క్రిప్టు పూర్తి స్థాయిలో సిద్ధ‌మైన త‌ర‌వాత మిగిలిన న‌టీన‌టులు సాంకేతిక నిపుణుల వివ‌రాలు ప్ర‌క‌టిస్తారు. ర‌వితేజ న‌టించిన `రాజా ది గ్రేట్‌` బాక్సాఫీసు ద‌గ్గ‌ర మంచి విజ‌యాన్ని అందుకొంది. ‘ట‌చ్ చేసి చూడు’ ప్ర‌స్తుతం చిత్రీక‌ర‌ణ ద‌శ‌లో ఉంది. అది పూర్త‌యిన త‌ర‌వాతే… ‘విక్ర‌మ్ వేద’ సెట్స్‌పైకి వెళ్లొచ్చు.
‘విక్ర‌మ్ వేదా’…. హీరోలు దొరికేశారా?
