సంక్రాంతి సీజన్ వ‌స్తే ఇక పండ‌గే పండ‌గ. ఒకేసారి నాలుగు పెద్ద సినిమాలు విడుద‌ల‌య్యే ఛాన్స్ అప్పుడే ఉంటుంది. గత రెండు మూడేళ్ల నుంచీ చిత్ర‌సీమ‌లో ఇలాంటి వాతావ‌ర‌ణ‌మే క‌నిపించింది. 2018 సంక్రాంతికి ఆ హంగామా ఇంకా ఎక్కువ ఉంటుంద‌నుకొన్నారంతా. సంక్రాంతి బ‌రిలో పవన్, బాల‌య్య, మహేష్, చరణ్ సినిమాలుండ‌డం, త‌మిళం నుంచి రోబో 2.ఓ కూడా దిగిపోతుండ‌డంతో… ఈసారి పోటీ మ‌హా రేంజులో ఉంటుంద‌నుకొన్నారు. అయితే… సంక్రాంతి బ‌రిలోంచి ఒకొక్క సినిమా డ్రాప‌వుట్ అవుతూ వ‌చ్చింది. ఇప్పుడు ముగ్గుల పోటీకి రెండే రెండు సినిమాలు మిగిలాయి.
షూటింగ్‌లో జాప్యం వ‌ల్ల మహేష్ బాబు త‌న సినిమాని ఏప్రిల్ 27కి వాయిదా వేశాడు. రంగస్థలం కూడా ఈ సంక్రాంతికి విడుద‌ల కావ‌డం లేదు. పవన్ క‌ల్యాణ్ తో పోటీ దిగ‌డం ఇష్టంలేని చరణ్, కావాల‌నే రంగస్థలం సినిమాని వాయిదా వేసిన‌ట్టు టాక్‌. ఇప్పుడు రోబో 2.0 కూడా ఏప్రిల్‌కి షిఫ్ట్ అయిపోయింది. అంటే… ఈ సంక్రాంతి బ‌రిలో మిగిలిన‌వి రెండే రెండు సినిమాల‌న్న‌మాట. జ‌న‌వ‌రి 10న పవన్ – మ‌హేష్‌ల సినిమా విడుద‌ల అవుతుంది. స‌రిగ్గా పండ‌గ రోజున బాల‌య్య సినిమా బ‌రిలోకి దిగుతుంది. ఈ రెండు సినిమాల మ‌ధ్య గ్యాప్ ఉంది. దానికి తోడు.. పండ‌గ సీజన్. ఇక పవన్, బాల‌య్య‌లు కుమ్మేసుకోవొచ్చు. మ‌ధ్య‌లో చిన్న సినిమాలు రావ‌డానికి ఏమైనా ప్ర‌య‌త్నం చేస్తాయేమో చూడాలి. వ‌చ్చినా.. బాల‌య్య, పవన్ ధాటికి నిల‌దొక్కుకోవ‌డం క‌ష్ట‌మే.
