హైదరాబాద్: రానా డబుల్‌రోల్‌లో నటించిన ఒక ఎడ్వర్టయిజ్‌మెంట్ ఇటీవల ఎలక్ట్రానిక్ మీడియాలో ప్రసారమవుతూ అందరినీ మెప్పిస్తోంది. మైక్రోమాక్స్ మొబైల్స్‌వారికి బ్రాండ్ అంబాసిడర్‌గా నియమితులైన రానా, వారి కొత్త స్మార్ట్ ఫోన్ బోల్ట్ యాడ్‌లో దర్శనమిచ్చాడు. ఈ యాడ్ ఇలా సాగుతుంది. రాత్రి సమయంలో ఒక రానా ఇంట్లో సోఫాలో కూర్చుని పేపర్ చదువుతుంటాడు. రెండో రానా దొంగలాగా చారల టీషర్ట్, తలకు ముసుగు, ఒక బ్యాగ్ తీసుకుని మొదటి రానా దగ్గరకు వస్తాడు. మొదటి రానా, ఏయ్ ఫ్యాన్సీ డ్రస్, ఎక్కడికిరా బయలుదేరావ్ అని అడుగుతాడు. బ్యాంక్ దోచుకోవటానికి వెళుతున్నానని, చేతిలో డబ్బుంటే స్నేహితులు కూడాకూడా వస్తారని రెండో రానా చెబుతాడు. స్నేహితులు కాదు పోలీసులు వస్తారని, స్నేహితులు కావాలంటే చేతిలో స్మార్ట్ ఫోన్ ఉండాలని, బిందాస్‌గా వాట్సప్ చేయమంటూ మైక్రోమాక్య్ బోల్ట్ ఫోన్‌ను ఇస్తాడు. రెండో రానా అది తీసుకుని, బ్యాగ్ కిందపడేసి వాట్సప్ చేస్తుండగా యాడ్ ముగుస్తుంది.

యాడ్‌ చూడగానే ఆకట్టుకునేలా ఉంది. రానా చాలా క్యాజువల్‌గా నటించటం విశేషం. రానాకు మామూలుగా కెమేరా కాన్షస్‌నెస్ ఉంటుంది. ఈ యాడ్‌లో అదేమీ లేకుండా చాలా క్యాజువల్‌గా కనిపించాడు. రెండు పాత్రలలోనూ మెప్పించాడని చెప్పాలి. లీడర్‌తో రంగప్రవేశం చేసిన రానా రెండు మూడు సినిమాలలో హీరోగా చేసినప్పటికీ అవి విజయం సాధించకపోవటం, బాహుబలి, రుద్రమదేవి చిత్రాలలో క్యారెక్టర్ రోల్స్‌లో కనిపిస్తుండటంతో అలాగే సెటిలయిపోతాడా అని ఇటీవల డౌట్‌లు వ్యక్తమవుతున్నాయి. అయితే త్వరలో రెగ్యులర్ కమర్షియల్ చిత్రంలో హీరోగా నటించబోతున్నాడని తెలిసింది. విజయదశమిరోజున ప్రారంభం కానున్న ఈ చిత్రంలో రెజీనా హీరోయిన్‌గా నటించబోతోందని, కొరియోగ్రాఫర్ ప్రేమ్ రక్షిత్ దర్శకత్వం వహిస్తారని సమాచారం.

[youtube http://www.youtube.com/watch?v=UgySAhFv5jI&w=640&h=360]