అల్లు వారి మ‌న‌వ‌డు అల్లు ఆయాన్ సోష‌ల్ మీడియా ద్వారా ఎప్పుడూ అభిమానుల్ని ప‌ల‌క‌రిస్తూనే ఉంటాడు. ఆయాన్ అల్ల‌రిని వీడియో తీసి, ఆ జ్ఞాప‌కాల్ని అభిమానుల‌తో పంచుకోవ‌డం బ‌న్నీకి ఇష్టం కూడా. తాజాగా ఆయాన్ కు సంబంధించిన ఓ వీడియో బ‌య‌ట‌కు వ‌చ్చింది. ఇందులో ఆయ‌న్ ఒక్క‌డే కాదు, తాత‌య్య అల్లు అర‌వింద్ కూడా ఉన్నారు. ఆయాన్ బ్యాటింగ్ చేస్తుంటే, అర‌వింద్ బౌలింగ్ వేస్తున్నారు. ఆయాన్ బ్యాటు పట్టుకొన్న స్టైల్ చూస్తుంటే, త‌న‌కు క్రికెట్ అంటే బాగా ఇంట్ర‌స్ట్ ఉన్న‌ట్టే ఉంది. పిల్ల‌లు క్రికెట్ ఆడ‌డంలో వింతేం ఉండ‌దు. కానీ అర‌వింద్ ఓపిగ్గా, ప‌ద్ధ‌తిగా బౌలింగ్ చేస్తుంటే…. చూడ బుద్దేస్తోంది. తాత‌కు మ‌న‌వడితో ఆడుకోవ‌డం కంటే కాలక్షేపం ఏముంటుంది..? అల్లు అర్హ‌.. ఇప్ప‌టికే వెండి తెర‌పైకి ఎంట్రీ ఇచ్చేసింది. ఆయాన్ రాక కోసం బ‌న్నీ ఫ్యాన్స్ ఎప్ప‌టి నుంచో ఎదురు చూస్తున్నారు. ఆయాన్‌కు డాన్స్ అంటే మ‌క్కువ ఎక్కువ‌గానే ఉంద‌ట‌. కానీ న‌ట‌న‌పై ఇంట్ర‌స్ట్ ఉందో లేదో తెలియాలి. ఇప్ప‌టికైతే క్రికెట్ వీడియోల‌తో అభిమానుల‌కు ఖుషీ పంచుతున్నాడు ఆయాన్‌. ఇప్పుడు ఆ వీడియోనే సోష‌ల్ మీడియాలో వైర‌ల్ అవుతోంది.