అనిల్ రావిపూడి… చేసిన సినిమాల‌న్నీ హిట్టే. ఇంత గొప్ప ట్రాక్ రికార్డ్ ఉన్న ద‌ర్శ‌కుడితో సినిమా చేయ‌డానికి ఏ హీరో అయినా ముందుకు రావాల్సిందే. ప్ర‌స్తుతం అనిల్ రావిపూడి వీర ఫామ్‌లో ఉన్నాడు. ఆయ‌న బాల‌కృష్ణ‌తో ‘భ‌గ‌వంత్ కేస‌రి’ చిత్రాన్ని రూపొందిస్తున్నారు. ఆ త‌ర‌వాత కూడా ఆఫ‌ర్లు దండిగానే ఉన్నాయి. రామ్ చ‌ర‌ణ్‌తో ఓ సినిమా చేసే ఆలోచ‌న ఉంది. ఈలోగా ఎన్టీఆర్‌ని సైతం లైన్‌లో పెట్ట‌డానికి రెడీ అవుతున్నాడు. ‘ఎఫ్ 4’ కూడా ఉన్నా.. ప్ర‌స్తుతం అనిల్ రావిపూడి దృష్టంతా జోన‌ర్ మార్చ‌డంపై ఉంది. ఎంత‌సేపూ కామెడీ, ఎంటర్టైన్‌మెంట్ సినిమాలు తీసుకొంటూ వెళ్తే… అదే ముద్ర ప‌డిపోతుంద‌ని భయ‌ప‌డుతున్నాడు. అందుకే `భ‌గ‌వంత్ కేస‌రి`తో ఓ షాక్ ఇచ్చే ప్ర‌య‌త్నం చేస్తున్నాడు. అనిల్ రావిపూడి స్టైల్ కి పూర్తి విరుద్ధంగా సాగే సినిమా ఇది. కేస‌రి గ‌నుక అనుకొన్న ఫ‌లితం సాధిస్తే బిగ్ లీగ్‌లో ఉన్న హీరోలంతా అనిల్ రావిపూడిపై దృష్టి పెడ‌తారు. త‌న‌క్కూడా మాస్‌, క‌మ‌ర్షియ‌ల్ సినిమాలు చేయడానికి ధైర్యం వ‌స్తుంది. అందుకే చ‌ర‌ణ్‌, ఎన్టీఆర్ లాంటి హీరోల‌తో సినిమాలు తీస్తూ జోన‌ర్ మార్చుకోవాల‌ని చూస్తున్నాడు. అనిల్ తో చేయ‌డానికి చ‌ర‌ణ్ ఎప్ప‌టి నుంచో రెడీగా ఉన్నాడు. ఎన్టీఆర్ కోసం కూడా ఓ క‌థ సెట్ చేస్తున్నాడు అనిల్. రెండింటిలో ఏది ఓకే అయినా… రావిపూడికి హ్యాపీనే. ఒక‌వేళ ఈ ఇద్ద‌రు హీరోలూ త‌మ త‌మ ప్రాజెక్టుల‌తో బిజీగా ఉంటే.. ఎఫ్ 4 ఎలానూ ఉంది.