నందమూరి బాలకృష్ణ, బోయపాటి శ్రీను లది తిరుగులేని కాంబినేషన్. వీరి కాంబినేషన్ లో వచ్చిన సింహ, లెజెండ్, అఖండ ఒకదానికి మించి ఒకటి విజయం సాధించాయి. ఇప్పుడీ కాంబో నాలుగోసారి అలరించడాని సిద్ధమైయింది. ఈ రోజు బాలకృష్ణ పుట్టిన రోజు. ఈ సందర్భంగా ఈ క్రేజీ కాంబినేషన్ లో కొత్త సినిమాని ప్రకటన చేశారు నిర్మాతలు. రామ్ ఆచంట, గోపీచంద్ ఆచంట 14 రీల్స్ ప్లస్ బ్యానర్‌పై #BB4ని నిర్మించనున్నారు. అనౌన్స్ మెంట్ పోస్టర్ లో అఖండలో కనిపించిన రధచక్రం, రుద్రాక్షలు దర్శనమిచ్చాయి. పోస్టర్ చూస్తుంటే ఇదీ డివైన్ టచ్ వున్న కథే అనిపిస్తుంది. బాలయ్య, బోయపాటి సక్సెస్ ఫుల్ గా హ్యాట్రిక్ పూర్తి చేశారు. సింహ, లెజెండ్, అఖండ ఈ మూడు సినిమాలు మాస్ క్లాస్ అనే తేడా లేకుండా అందరినీ అలరించాయి. ఇప్పుడు రాబోతున్న నాలుగో సినిమాపైన సహజంగానే భారీ అంచనాలు వున్నాయి.