యాక్ష‌న్ క‌థ‌ల‌కు ప‌ర్‌ఫెక్ట్ క‌టౌట్‌… బెల్లంకొండ సాయి శ్రీ‌నివాస్‌. సాగ‌ర్ చంద్ర ద‌ర్శ‌క‌త్వంలో ఇప్పుడో ఓ సినిమా చేస్తున్నాడు. కొంత మేర షూటింగ్ జ‌రిగింది. ఈ రోజు బెల్లంకొండ పుట్టిన రోజు. ఈ సంద‌ర్భంగా కొత్త సినిమా టైటిల్ ప్ర‌క‌టించ‌డంతో పాటు గ్లింప్స్ కూడా విడుద‌ల చేశారు. ఈ చిత్రానికి ‘టైస‌న్ నాయుడు’ అనే పేరు ఖ‌రారు చేశారు. ఇందులో బెల్లంకొండ డీఎస్‌పీ అధికారిగా క‌నిపించ‌బోతున్నాడు.

65 సెకన్ల నిడివి గ‌ల గ్లింప్స్‌ని ఈ రోజు విడుద‌ల చేశారు. బాక్సింగ్‌, యాక్ష‌న్‌, పోలీస్ బ్యాక్‌డ్రాప్ ఇలా.. చాలా అంశాల్ని ఈ గ్లింప్స్‌లో పొందుప‌రిచారు. గెడ్డంతో ర‌ఫ్‌గా, మాసీగా క‌నిపిస్తున్నాడు బెల్లంకొండ‌. విజువ‌ల్స్ కూడా భారీగానే ఉన్నాయి. ఈ సినిమా కోసం 14 రీల్స్ సంస్థ‌ బాగానే ఖ‌ర్చు పెడుతున్న‌ట్టు అర్థ‌మ‌వుతోంది. భీమ్స్ అందించిన బీజియ‌మ్స్ హీరోయిజాన్ని ఎలివేట్ చేసేలా ఉన్నాయి. చివ‌ర్లో ఇనుప ఇసల్ని ప‌ట్టుకొని.. రౌడీ గ్యాంగ్‌పై దండెత్తిన బెల్లంకొండ‌ని చూస్తుంటే ఈ సినిమాలో యాక్ష‌న్‌కి పెద్ద పీట వేశార‌ని తెలుస్తోంది. క‌థానాయిక ఎవ‌ర‌న్న‌ది చెప్ప‌లేదు. హీరోని త‌ప్ప మ‌రో క్యారెక్ట‌ర్నీ స‌రిగా ఫోక‌స్ చేయ‌లేదు. మొత్తానికి బెల్లంకొండ ఇచ్చిన బ‌ర్త్‌డే గిఫ్ట్ ఇంట్ర‌స్టింగ్ గానే ఉంది.