భారీ వ‌ర్షాలు, వ‌ర‌ద‌ల నేప‌థ్యంలో హైద‌రాబాద్ నుండి ఖ‌మ్మం, విజ‌య‌వాడ ప్ర‌యాణం చేయాల‌నుకున్న వారు సోమవారం కూడా వాయిదా వేసుకోవాల‌ని పోలీసులు సూచించారు. జాతీయ రహ‌దారుల‌పై భారీగా వరద నీరు ఉంద‌ని, మ‌ళ్లీ వరద వ‌చ్చే అవ‌కాశాలు కూడా ఉన్నాయ‌ని హెచ్చ‌రించారు.
అత్యవసర ప‌రిస్థితుల్లో విజ‌య‌వాడ ప్ర‌యాణం త‌ప్ప‌దు అనుకునే వారు కోదాడ రూట్ పై కాకుండ చౌటుప్ప‌ల్, చిట్యాల, నార్కెట్ ప‌ల్లి, మిర్యాల‌గూడ, పిడుగురాళ్ల, గుంటూరు మీదుగా వెళ్లాల‌ని సూచించారు. ఇక ఖ‌మ్మం ప్ర‌యాణం చేయ‌ద‌ల్చుకునే వారు చౌటుప్ప‌ల్, చిట్యాల, న‌కిరేక‌ల్, అర్విపేట, మ‌ర్రిపేట బంగ్లా మీదుగా ప్ర‌యాణం చేయాల‌ని సూచించారు.
సూర్యాపేట, మ‌హ‌బూబాబాద్ వైపు ప్ర‌యాణం ఇప్పుడున్న ప‌రిస్థితుల్లో వాయిదా వేసుకోవాల‌ని… అత్యవసర స‌హ‌యం కావాల్సిన వారు స్థానిక పోలీసుల‌ను సంప్ర‌దించాల‌ని తెలంగాణ పోలీస్ శాఖ కోరింది.
సోమవారం కూడా భారీ వ‌ర్షాలు ప‌డే అవ‌కాశం ఉన్న నేప‌థ్యంలో… ప్ర‌జ‌లంతా అత్య‌వ‌స‌రం అయితే త‌ప్పా బ‌య‌ట‌కు రావొద్ద‌ని ప్ర‌భుత్వం కోరింది.
సోమవారం తెలంగాణ‌లో అన్ని రకాల విద్యాసంస్థ‌లకు ప్ర‌భుత్వం సెల‌వు ప్ర‌క‌టించింది.
