సిద్ధు జొన్నలగడ్డ ‘టిల్లు స్క్వేర్‌’ ప్రస్తుతం థియేటర్లలో సందడి చేస్తోంది. ‘డీజే టిల్లు’కు కొనసాగింపుగా రూపొందిన చిత్రమిది. మల్లిక్‌ రామ్‌ తెరకెక్కించారు. అనుపమ పరమేశ్వరన్‌ కథానాయిక. శుక్రవారం ప్రేక్షకుల ముందుకొచ్చిన ఈ సినిమా మొదటి ఆట నుంచే హిట్ టాక్ తెచ్చుకుంది. వసూళ్ళూ బావున్నాయి. ఇప్పుడీ సినిమాకి మెగాస్టార్ చిరంజీవి మాట సాయం కూడా అందింది. ‘టిల్లు స్క్వేర్‌’ చూసిన చిరు సిద్ధు జొన్నలగడ్డ నటనకు ఫిదా అయ్యారు. సినిమా యూనిట్ ప్రత్యేకంగా ఆహ్వానించి ప్రశంసించారు.
‘‘టిల్లు స్క్వేర్‌’ చూశాను.నాకు చాలా నచ్చింది. సిద్ధు చాలా చక్కగా నటించాడు. తన నటని ఆస్వాదించాను. నటనతో పాటు కథనం మాటలు విషయంలో కూడా తను తీసుకున్న శ్రద్ద నన్ను సర్ప్రైజ్ చేసింది. అందరూ చూడదగ్గ సినిమా ఇది” అని అభినందించారు మెగాస్టార్.
కాగ గతంలో చిరు, సిద్దు కలయికలో కళ్యాణ్ శంకర్ డైరెక్షన్ లో ‘బ్రో డాడీ’ సినిమాని రిమేక్ చేస్తారనే వార్తలు వచ్చాయి. కానీ ఏవో కారణాల వలన ఆ సినిమా కుదరలేదు. ఇప్పుడ టిల్లు 2తో సూపర్ ఫామ్ లో వున్నాడు సిద్దు. ఆయన ప్రతిభ చిరుకి కూడా నచ్చింది. చిరు సిద్దు కాంబినేషన్ ఖచ్చితంగా క్రేజీ గా వుంటుంది. ఈ కాంబినేషన్ మెటీరియలైజ్ అయ్యేలా ఈసారి చిరు అలోచిస్తారేమో చూడాలి.
