బింబిసార ద‌ర్శ‌కుడు వ‌శిష్ట‌తో సినిమా చేయ‌డానికి మెగాస్టార్ చిరంజీవి గ్రీన్ సిగ్న‌ల్ ఇచ్చిన సంగ‌తి తెలిసిందే. ఇప్పుడు… మ‌రో యువ ద‌ర్శ‌కుడి క‌థ‌నీ చిరు ఓకే చేశార‌ని స‌మాచారం. త‌నే… క‌ల్యాణ్ కృష్ణ‌. సోగ్గాడే చిన్ని నాయిన‌, బంగార్రాజు, రారండోయ్ వేడుక చూద్దాం.. చిత్రాల‌తో ఆక‌ట్టుకొన్నాడు క‌ల్యాణ్ కృష్ణ‌. బంగార్రాజు త‌ర‌వాత ఏ సినిమా ఓకే అవ్వ‌లేదు. ఎట్ట‌కేల‌కు చిరుని క‌లిసి.. ఓ క‌థ చెప్పాడ‌ట‌. ఇది క‌ల్యాణ్ సొంత క‌థేం కాదు. `ధ‌మాకా` రైట‌ర్‌.. ప్ర‌స‌న్న‌కుమార్ బెజ‌వాడ రాసిన క‌థ ఇది. చిరుకి ఫ‌స్ట్ సిట్టింగ్‌లోనే ఈ క‌థ నచ్చింద‌ని స‌మాచారం. క‌ల్యాణ్ కృష్ణ కుటుంబంతో చిరుకి స‌న్నిహిత సంబంధాలు ఉన్నాయి. క‌ల్యాణ్ కృష్ణ‌ కుర‌సాల క‌న్న‌బాబు కి క‌ల్యాణ్ బంధువు. ఆయ‌నేమో చిరుకి ఆప్తుడు. ప్ర‌జా రాజ్యం స‌మ‌యంలో… పార్టీలో చేరి గెలిచాడు కూడా. ఆ అనుబంధంతో కూడా చిరు ఈ ప్రాజెక్ట్ ఓకే చేసిన‌ట్టు తెలుస్తోంది. ప్ర‌స్తుతం భోళా శంక‌ర్ తో బిజీగా ఉన్నాడు చిరు. ఆగ‌స్టు నుంచి వ‌శిష్ట చిత్రం మొద‌ల‌య్యే అవ‌కాశాలు ఉన్నాయి. క‌ల్యాణ్ కృష్ణ సినిమానీ సమాంత‌రంగా ప‌ట్టాలెక్కిస్తార‌ని తెలుస్తోంది.