హైదరాబాద్: సూపర్ స్టార్ మహేష్ బాబు ఐపీఎల్ ఫ్రాంచైజీని కొనుగోలు చేయబోతున్నట్లు ఇటీవల మీడియాలో ఊహాగానాలు సాగిన సంగతి తెలిసిందే. తన బావ, గుంటూరు ఎంపీ గల్లా జయదేవ్‌తో కలిసి ఆంధ్రప్రదేశ్ రాష్ట్రంతరపున కొత్తగా ఏర్పడబోయే వైజాగ్ సిక్సర్స్ ఐపీఎల్ టీమ్‌ను కొనుగోలు చేయబోతున్నారని ఆ ఊహాగానాల సారాంశం. ఆ వార్తలపై ఇవాళ క్లారిటీ వచ్చింది. ఈ వార్తలలో నిజంలేదని, అటువంటివాటిపై తమకు ఆసక్తి లేదని గల్లాజయదేవ్ స్పష్టం చేశారు.
మరోవైపు మహేష్ తాజా చిత్రం శ్రీమంతుడు ఆడియో ఇవాళ సాయంత్రం శిల్పకళావేదికలో విడుదల కాబోతోంది. దేవిశ్రీ ప్రసాద్ ఈ చిత్రానికి సంగీతం అందించారు. శ్రీమంతుడు తాజా పబ్లిసిటీ స్టిల్స్‌ను నిర్మాతలు విడుదల చేశారు. ఒక స్టిల్‌లో మహేష్, హీరోయిన్ శృతి నోట్ బుక్స్ పట్టుకుని కాలేజీ స్టూడెంట్స్‌లా కనబడటం విశేషం.
