బుల్లి తెర‌పై తిరుగులేని హిట్ గా నిలిచింది జబర్దస్త్. అటు మ‌ల్లెమాల‌కూ, ఇటు ఈటీవీకి కాసుల వ‌ర్షం కురిపించింది. ఈ షోతో పాపులారిటీ సంపాదించుకున్న వాళ్లు ఎంతో మంది. వాళ్లు వెండి తెర‌పై కూడా ఇప్పుడు విజృంభిస్తున్నారు. అయితే జబర్దస్త్ బాంబు త్వ‌ర‌లోనే పేలిపోబోతోంద‌న్న‌ది బుల్లితెర వ‌ర్గాల మాట. ఈ షో రేంటింగులు నానాటికీ త‌గ్గిపోతున్నాయి. ఒక‌ప్పుడు యావ‌రేజ్ గా రేటింగులు 12, 13 వ‌చ్చేవి. ఇప్పుడు 4 దాటితే గ‌గ‌నం అయిపోతున్నాయి. స్కిట్స్ న‌వ్వించ‌క‌పోవ‌డం, యూ ట్యూబ్‌లో విరివిగా ఆ స్కిట్లు అందుబాటులోకి వ‌చ్చేయ‌డంతో టీవీలో చూసేవాళ్ల సంఖ్య త‌గ్గిపోయింది. దానికి తోడు జబర్దస్త్ లాంటి కార్య‌క్ర‌మాలు దాదాపుగా మిగిలిన ఛాన‌ళ్లూ క్యారీ చేస్తున్నాయి. శ్రీ‌దేవి డ్రామా కంపెనీ పేరుతో ఈటీవీలోనే ఓ షో వ‌స్తోంది. అందులోనూ జ‌బ‌ర్ ద‌స్త్ న‌టీన‌టులే క‌నిపిస్తున్నారు. రెండు షోల‌కూ పెద్ద తేడా కూడా ఉండ‌డం లేదు.
మ‌రోవైపు జబర్దస్త్ ఆర్టిస్టుల ఎగ్రిమెంట్ కాలం దాదాపుగా పూర్తి కావొచ్చింది. వాళ్లు మ‌ళ్లీ కొత్త‌గా ఎగ్రిమెంట్లు చేసుకోవ‌డానికి రెడీగా లేరు. దాదాపు స‌గం మంది… ఈ షో నుంచి వైదొలిగే ఛాన్స్ వుంది. అన్నిటికంటే ముఖ్యంగా కాస్టింగ్ కౌచ్ అనే సంస్క్కృతి ఈ షోకీ దాపురించింద‌ని తెలుస్తోంది. లేడీ ఆర్టిస్టుల్ని కొంత‌మంది బాగా ఇబ్బంది పెడుతున్నార‌ని, ఒక‌రిద్ద‌రు జబర్దస్త్ స్టార్ల వ‌ల్ల… లేడీ ఆర్టిస్టులు బాగా డిస్ట్ర‌బ్ అయ్యార‌ని, వీళ్ల వ్య‌వ‌హారం… మ‌ల్లెమాల ద‌గ్గ‌ర‌కు కూడా తీసుకెళ్లార‌ని తెలుస్తోంది. ఈ బాంబు పేలే రోజు.. ఎంతో దూరంలో లేద‌ని, త్వ‌ర‌లోనే ఒక‌రిద్ద‌రు మీడియా ముందుకొచ్చి, త‌మ గోడు వెళ్ల‌గొక్కుకునే ఛాన్సుంద‌ని చెప్పుకుంటున్నారు. అదే జ‌రిగితే జబర్దస్త్ ప్ర‌తిష్ట మ‌స‌క‌బారిన‌ట్టే.
