జ‌న‌వ‌రి 12తో టాలీవుడ్ లో సంక్రాంతి సీజ‌న్ మొద‌లు కానుంది. 12న మ‌హేష్ బాబు ‘గుంటూరు కారం’ వ‌స్తున్న సంగ‌తి తెలిసిందే. అదే రోజున ప్ర‌శాంత్ వ‌ర్మ – తేజా స‌జ్జాల ‘హ‌నుమాన్‌’ కూడా విడుద‌ల‌కు సిద్ధ‌మైంది. మ‌హేష్ సినిమాతో `హ‌నుమాన్‌` పోటీనే ఇప్పుడు టాలీవుడ్ లో ఇంట్ర‌స్టింగ్ టాపిక్‌. అయితే పోటీ ఇక్క‌డితో ఆగ‌డం లేదు. అదే రోజున మ‌రో సినిమా వ‌స్తోంది. అదే ‘కెప్టెన్ మిల్ల‌ర్‌’. ధ‌నుష్ క‌థానాయ‌కుడిగా న‌టించిన త‌మిళ చిత్ర‌మిది. సెన్సార్ పూర్త‌య్యింది. జ‌న‌వ‌రి 12న విడుద‌ల చేయ‌బోతున్న‌ట్టు చిత్ర‌బృందం ప్ర‌క‌టించింది., త‌మిళంతో పాటుగా తెలుగు, హిందీ భాష‌ల్లో ఒకేసారి ఈ సినిమాని విడుద‌ల చేస్తున్నారు. దాంతో.. 12న ముక్కోణ‌పు పోటీ చూసేందుకు రంగం సిద్ధ‌మైంది.
ధ‌నుష్‌కి తెలుగులో మంచి మార్కెట్ ఉంది. ‘సార్‌’కి ఇక్క‌డ క‌ల‌క్ష‌న్లు బాగానే వ‌చ్చాయి. పైగా ఇందులో సందీప్ కిష‌న్ మ‌రో కీల‌క పాత్ర పోషించాడు. దాంతో.. ఈ సినిమాని తెలుగు ట‌చ్ వ‌చ్చేసిన‌ట్టైంది. టెక్నిక‌ల్ గా ఈసినిమా స్ట్రాంగ్ గా క‌నిపిస్తోంది. తెలుగులో ఈ సినిమాకి అనుకొన్న స్థాయిలో థియేట‌ర్లు దొర‌క్క‌పోవొచ్చు. కానీ… త‌న ప్ర‌భావం మాత్రం చూపించే ఛాన్సుంది. ‘కెప్టెన్ మిల్ల‌ర్‌’తో పాటు ఈ సంక్రాంతికి మ‌రిన్ని డ‌బ్బింగ్ సినిమాలు వ‌చ్చే అవ‌కాశం ఉంది. తెలుగు సినిమాల‌కే… థియేట‌ర్లు దొర‌క‌వేమో అని నిర్మాత‌లు భ‌య‌ప‌డుతుంటే.. ఈ త‌మిళ సినిమాలూ రెడీ అయిపోతున్నాయేంటో మ‌రి.
