క్రికెట్ సంచ‌ల‌నం ధోనీ ఇప్పుడు నిర్మాణ రంగంలోకి అడుగు పెట్టిన సంగ‌తి తెలిసిందే. ధోనీ ప్రొడ‌క్ష‌న్ పేరుతో ఓ సంస్థ‌ని ప్రారంభించాడు. తొలి ప్ర‌య‌త్నంగా ఎల్‌.జీ.ఎమ్ అనే ఓ త‌మిళ చిత్రాన్ని రూపొందించాడు. ఇదో కాన్సెప్ట్ ఓరియెంటెడ్ చిత్రం. స్టార్లెవ‌రూ లేరు. కేవ‌లం పోస్ట‌ర్ పై ధోనీ పేరుతో ఈ సినిమా బ్రాండింగ్ జ‌రిగిపోతోంది. అయితే.. ఇక పై భారీ చిత్రాల్ని, అందులోనూ పెద్ద హీరోల‌తోనే సినిమాలు చేయాల‌ని ధోనీ ఫిక్స‌య్యాడ‌ట‌. అందులో భాగంగా ఓ స్టార్ హీరోతో, టాలీవుడ్ లో ఓ సినిమా చేయ‌డానికి ధోనీ ప్లాన్ చేస్తున్న‌ట్టు తెలుస్తోంది. ధోనీ అడిగితే… ఏ హీరో అయినా స‌రే, డేట్లు ఇవ్వ‌డానికి రెడీనే. త‌దుప‌రి సినిమా ఎవ‌రితో చేయాలి? అనే విష‌యంపైనా ధోనీలో ఓ స్ప‌ష్ట‌త వ‌చ్చింద‌ని తెలుస్తోంది. క‌థ‌లు విన‌డానికి, ప్రాజెక్టులు సెట్ చేయ‌డానికి ధోనీ ద‌గ్గ‌ర ఓ టీమ్ ఉంది. ఆ టీమ్ ఇప్పుడు టాలీవుడ్ హీరో కోసం క‌థ‌లు సిద్ధం చేస్తోంద‌ని స‌మాచారం. ఒక‌రిద్ద‌రు బ‌డా హీరోల‌తోనూ ధోనీ ప్రొడ‌క్ష‌న్స్ ట‌చ్‌లో ఉంది. త్వ‌ర‌లోనే ఆ వివ‌రాలు బ‌య‌ట‌కు వ‌స్తాయి. మొత్తానికి క్రికెట్ త‌ర‌వాత‌… ధోనీ సినిమాల‌పై బాగా ఫోక‌స్ పెట్టిన‌ట్టు అర్థం అవుతోంది. వ‌చ్చే ఐపీఎల్ లో ధోనీ ఆడ‌తాడా, లేదా? అనేది అనుమాన‌మే. కానీ ఈలోగా ఒక‌ట్రెండు సినిమాలు సిద్ధం చేయాల‌న్న‌ది ధోనీ ప్లాన్‌.