నిర్మాత దిల్ రాజు పంట పండేటట్లే వుంది. ప్రస్తుతం మహేష్ తో మహర్షి సినిమా నిర్మిస్తున్నారు. మళ్లీ వెంటనే ఆయనకు మరో సినిమా మహేష్ ఇవ్వబోతున్నట్లు తెలుస్తోంది. మహర్షి సినిమా తరువాత మహేష్ బాబు మైత్రీ మూవీస్ కు సుకుమార్ డైరక్షన్ లో ఓ సినిమా చేయాల్సి వుంది.
అయితే స్క్రిప్ట్ రెడీ కావడానికి లేటు అవుతున్న కారణంగా, ఇమ్మీడియట్ గా వేరే సినిమా చేయాలని ఆల్ మోస్ట్ డిసైడ్ అయినట్లు తెలుస్తోంది. ఈ సినిమాకు అనిల్ రావిపూడి దర్శకత్వం వహిస్తారు. అనిల్ సుంకర, దిల్ రాజు నిర్మాతలు.
నిజానికి ఈ సినిమాను అనిల్ సుంకర-మహేష్ బాబు స్వంత బ్యానర్ కాంబినేషన్లో నిర్మించే అవకాశాలున్నాయని ఆ మధ్య వినిపించింది. అయితే లేటెస్ట్ గ్యాసిప్ ఏమిటంటే, అనిల్ సుంకర-దిల్ రాజు కలిపి నిర్మిస్తారన్నది. ఇటీవలే అనిల్ రావిపూడి – దిల్ రాజు కాంబినేషన్ లో ఎఫ్ 2 సినిమా వచ్చి బ్లాక్ బస్టర్ గా మిగిలింది.
