హిట్ తో ఆక‌ట్టుకొన్నాడు శైలేష్ కొల‌ను. ఆ త‌ర‌వాత హిట్ 2 తీశాడు.. అదీ హిట్టే. అలా హిట్ టైటిల్ ఓ ఫ్రాంచైజీగా మారిపోయింది. ఇప్పుడు వెంక‌టేష్‌తో సైంధ‌వ్ తీస్తున్నాడు. ఈ డిసెంబ‌రులో విడుద‌ల అవుతోంది. ఆ త‌ర‌వాత‌.. నాని హీరోగా హిట్ 3 ప‌ట్టాలెక్కుతుంది. ఈలోగా దిల్ రాజు బ్యాన‌ర్‌లో ఓ సినిమా చేయ‌డానికి శైలేష్ సంత‌కాలు చేశాడు. ఈసారి పాన్ ఇండియా స్థాయిలో ఈ చిత్రాన్ని తెర‌కెక్కించ‌బోతున్నాడ‌ట‌. ఇది కూడా హిట్ లానే ఓ ఇన్వెస్టిగేష‌న్ థ్రిల్ల‌ర్‌. క‌థ సిద్ధ‌మైంది. ఓ బాలీవుడ్ హీరోకి ఈ క‌థ వినిపించే ప్ర‌య‌త్నాల్లో ఉన్నాడు దిల్ రాజు. అది కుద‌ర‌ని ప‌క్షంలో.. తెలుగు హీరోతోనే పాన్ ఇండియా స్థాయిలో ఈ చిత్రాన్ని రూపొందిస్తాడ‌ని తెలుస్తోంది. ఈ సినిమా బ‌డ్జెట్ దాదాపుగా రూ.150 కోట్ల‌ని టాక్‌. శైలేంద్ర ఆ స్థాయిలో సినిమాని మోయ‌గ‌ల‌డా? లేదా? అనేది క్వ‌శ్చ‌న్ మార్క్‌. సైంధ‌వ్ భారీ బ‌డ్జెట్ సినిమానే. కాక‌పోతే వంద‌, రూ.150 కోట్ల స్థాయి కాదు. ఆ సినిమాని శైలేష్ ఎలా హ్యాండిల్ చేస్తాడ‌న్న‌దానిపై పాన్ ఇండియా సినిమా ఎప్పుడ‌న్న‌ది డిసైడ్ అవుతుంది. దిల్ రాజు ఈ మ‌ధ్య రిస్కీ నిర్ణ‌యాలు ఎక్కువే తీసుకొంటున్నాడు. సైంధ‌వ్ రిజ‌ల్ట్ ఎలా ఉన్నా.. శైలేష్ సినిమాని ప‌ట్టాలెక్కించాల్సిందే అనుకొంటున్నార్ట‌. కాక‌పోతే సైంధ‌వ్ హిట్ అయితే.. కావ‌ల్సిన హీరో దొరుకుతాడు. లేదంటే దొరికిన హీరోతో ఎడ్జ‌స్ట్ అయిపోవాలంతే.