అయ్య‌ప్ప‌నుమ్ కోషియుమ్ – ఈ మ‌ల‌యాళ రీమేక్‌పై టాలీవుడ్ ఆస‌క్తి చూపించింది. సితార ఎంట‌ర్‌టైన్‌మెంట్స్ ఈ హ‌క్కుల్ని కొనుగోలు చేసింది. రానా – ర‌వితేజ‌ల‌తో ఈ మ‌ల్టీస్టార‌ర్ ని సిద్ధం చేయ‌బోతోంది సితార ఎంట‌ర్‌టైన్‌మెంట్స్‌. ఆగ‌స్టులో చిత్రీక‌ర‌ణ ప్రారంభిస్తారు. అయితే ద‌ర్శ‌కుడు ఎవ‌ర‌న్న‌ది ఇంత వ‌ర‌కూ తేల‌లేదు. సుధీర్ వ‌ర్మ పేరు మాత్రం బ‌లంగా వినిపిస్తోంది. స్వామి రారాతో ఆక‌ట్టుకున్నాడు సుధీర్‌. దోచేయ్ ఫ్లాపు. కేశ‌వ యావ‌రేజ్‌గా ఆడింది. ర‌ణ‌రంగం మ‌రో ఫ్లాపు. అయినా స‌రే.. సుధీర్ వ‌ర్మ పై న‌మ్మ‌కం ఉంచింది సితార ఎంట‌ర్‌టైన్‌మెంట్స్. రీమేక్ సినిమాల్లోని ఆత్మ‌ని ప‌ట్టుకుని, తెలుగులో ప‌ర్‌ఫెక్ట్ గా తీయ‌గ‌లిగితే చాలు. మేకింగ్‌ప‌రంగా.. సుధీర్ వ‌ర్మ టాలెంట్ అంద‌రికీ తెలిసిందే. త‌క్కువ ఖ‌ర్చులో మంచి అవుట్ పుట్ ఇవ్వ‌గ‌ల‌డు. అందుకే సుధీర్ వ‌ర్మ‌ని ఎంచుకున్నార‌ని తెలుస్తోంది. అయితే అధికారిక ప్ర‌క‌ట‌న కోసం మాత్రం కొన్ని రోజులు ఎదురుచూడాల్సిందే.