చిన్న సినిమాగా విడుద‌లై సూప‌ర్ హిట్ అయ్యింది.. డీజే టిట్లు. సిద్దు జొన్న‌ల‌గ‌డ్డ క‌థానాయ‌కుడిగా న‌టించిన సినిమా ఇది. హీరో క్యారెక్ట‌రైజేష‌న్‌, త‌న బాడీ లాంగ్వేజ్‌, డైలాగ్ డెలివ‌రీ… ఇవే ఈ సినిమా స‌క్సెస్‌కి ప్ర‌ధాన కార‌ణాలు. ఈ క్యారెక్ట‌ర్ మ‌రిన్ని అద్భుతాలు సృష్టిస్తుంద‌ని తెలుసుకొన్న ద‌ర్శ‌క నిర్మాత‌లు డీజే 2 కి ప్లాన్ చేశారు. మొన్నే ఈ సినిమాకి క్లాప్ కొట్టారు. త్వ‌ర‌లోనే షూటింగ్ ప్రారంభం కానుంది.

డీజే టిల్లులో టిల్లుతో పాటు.. రాధిక క్యారెక్ట‌ర్ కూడా చాలా కీల‌కం. ఈ పాత్ర‌లో నేహా శెట్టి క‌నిపించింది. అయితే డీజే టిల్లు 2లో నేహా హీరోయిన్ కాదు. ఆమె స్థానంలో మ‌రో హీరోయిన్ ని ఎంచుకుంటారు. అయితే నేహా మాత్రం… అతిథి పాత్ర‌లో అలా మెరిసి, ఇలా మాయ‌మైపోతుంద‌ట‌. డీజే టిల్లు 2లో జ‌రిగిన ప్ర‌ధాన మైన మార్పు ఇది. పార్ట్ 1లో వ‌చ్చిన‌… పాత్ర‌లు కొన్ని పార్ట్ 2లోనూ కొన‌సాగుతాయి. ఇంకొన్ని కొత్త పాత్ర‌లు వ‌చ్చి చేర‌తాయి. వాటిలో హీరోయిన్ పాత్ర ప్ర‌ధాన‌మైన‌ది. ప్ర‌స్తుతం ఈ సినిమా కోసం ఓ గ్లామ‌రెస్ హీరోయిన్ కోసం అన్వేషిస్తున్నారు. సితార ఎంట‌ర్‌టైన్‌మెంట్స్ సంస్థ ఈ చిత్రాన్ని రూపొందిస్తోంది.