మహేంద్ర సింగ్‌ ధోనీ సినీ నిర్మాణ రంగంలోకి అడుగుపెట్టిన సంగతి తెలిసిందే. ధోనీ ఎంటర్టైన్మెంట్ బ్యానర్ ని రిజిస్టర్ చేశారు. ఇప్పుడా బ్యానర్ నుండి వస్తున్న తొలి సినిమాకి టైటిల్ ఖరారు చేశారు. ఈ చిత్రానికి ‘ఎల్‌జీఎం’ (లెట్స్ గెట్ మ్యారేడ్) అనే పేరు పెట్టారు.
నూతన దర్శకుడు రమేష్ తమిళమణి దర్శకత్వం వహిస్తున్నారు. సాక్షి కాన్సెప్ట్ తో ఈ సినిమా తెరకెక్కుతోంది. హరీష్ కళ్యాణ్, నదియా, ఇవానా యోగి బాబు కీలక పాత్రలు పోహిస్తున్నారు. ‘’ఈ సినిమా ఫ్యామిలీ ఎంటర్ టైనర్. మంచి కథల ద్వారా దేశంలోని నలుమూలలో వున్న ప్రేక్షకులకు చేరువవ్వడమే ధోనీ ఎంటర్టైన్మెంట్ లక్ష్యం. ఆ ఆలోచనకు తగ్గట్టుగానే ఈ సినిమా రూపొందుతోంది’ అని సాక్షి చెప్పుకొచ్చారు.
