ఫాస్ట్ బౌలర్ లక్ష్మీపతి బాలాజీ గుర్తున్నాడా? మెరుపు వేగంతో బంతులు వేసే బాలాజీ ఎప్పుడూ నవ్వుతూనే కనిపిస్తాడు. ఆయన సీరియస్ గా కనిపించిన సందర్భాలు చాలా తక్కువ. దాదాపుగా ఆయన స్మైల్ ఫేస్ తోనే ప్రేక్షకులకు రిజిస్టర్ అయ్యారు. చిన్నప్పుడు తన మొహానికి జరిగిన ఓ సర్జరీ కారణంగా తనకీ నవ్వు మొహం ఫిక్స్ అయిపోయిందని ఒకానొక సందర్భంలో స్మైల్ సీక్రెట్ చెప్పారాయన.
ఇప్పుడు ఆయన పాత్ర స్ఫూర్తితో ఓ సినిమా తెరకెక్కింది. అదే గెటప్ హీరోగా నటించిన శ్రీను రాజు యాదవ్. ఇప్పటికే విడుదలైన ఈ సినిమా టీజర్ ట్రైలర్ లో ఎలాంటి పరిస్థితిలో కూడా నవ్వుతూ కనిపించే గెటప్ శీను యాక్షన్ కొంత ఆసక్తిని తెప్పించింది. ఈ నవ్వు పాత్రకు స్ఫూర్తి లక్ష్మీపతి బాలాజీ అని చిత్ర దర్శకుడు కృష్ణమాచారి స్వయంగా చెప్పాడు. కాన్సెప్ట్, క్యారెక్టర్ లో ఏదో కొత్తదనం లేకపోతే సినిమా ప్రేక్షకుల ద్రుష్టిని ఆకర్షించలేకపోతుంది. మరి నవ్వు క్యారెక్టరైజేషన్ తో వస్తున్న రాజ్ యాదవ్ ఎలాంటి నవ్వులు పంచుతాడో చూడాలి. ఈ వారమే సినిమా ప్రేక్షకుల ముందుకు వస్తోంది.
