గుంటూరు కారం నుంచి అఫీషియ‌ల్ గా ఒక్క పాట కూడా బ‌య‌ట‌కు రాలేదు. లీకేజీ రూపంలో మాత్రం ఫ‌స్ట్ సింగిల్ వ‌చ్చేసింది. గుంటూరు కారం నుంచి ఓ పాట లీకై… సోష‌ల్ మీడియాలో హ‌ల్ చ‌ల్ చేస్తున్న సంగ‌తి తెలిసిందే. ఈ దీపావ‌ళికి ఈ పాట‌ని విడుద‌ల చేద్దామ‌నుకొంది చిత్ర‌బృందం. స‌డ‌న్ గా లీకైపోవ‌డంతో ద‌ర్శ‌క నిర్మాత‌లు షాక్ అయ్యారు. లీకైన పాట‌ని ఇప్పుడు మ‌ళ్లీ ఫ్రెష్ గా రిలీజ్ చేయాలా, లేదంటే కొత్త పాట రెడీ చేయాలా? అనే సందిగ్థంలో ప‌డ్డారు. త‌మ‌న్ ఇంకా పూర్తి స్థాయిలో పాట‌ల్ని సిద్దం చేయ‌క‌పోవ‌డంతో లీకైన పాట‌నే రిలీజ్ చేసేస్తున్నారు. ఇప్పుడు ఫ‌స్ట్ సింగిల్ ప్రోమో వ‌చ్చేసింది. లీకైన పాట.. ఇదీ ఒకటే. ఈనెల 7న పూర్తి పాట విడుద‌ల చేస్తారు. మంచి మాస్ బీట్ తో సాగే పాట ఇది. బిరియానీ, గ‌రం మ‌సాలా, అర‌కోడీ, బీడీ అంటూ.. పదాలు ప్రాస వెతుక్కొంటూ సాగాయి. పాట‌కు ముందొచ్చే సాకీ మాత్రమే విన్నాం. పాట ఇంకే స్థాయిలో ఉంటుందో తెలియాలంటే ఈనెల 7 వ‌ర‌కూ ఆగాల్సిందే. అల వైకుంఠ‌పురం కోసం త‌మ‌న్ ఇచ్చిన ఆల్బ‌మ్ సూప‌ర్ హిట్ట‌యి, ఆ సినిమా స్థాయిని పెంచింది. అయితే ఆ త‌ర‌వాత త‌మ‌న్ స్థాయికి త‌గ్గ పాట‌లు రాలేదు. మ‌రి.. ఈసారైనా త‌మ‌న్ త‌నపై త్రివిక్ర‌మ్ పెట్టుకొన్న న‌మ్మ‌కాన్ని నిల‌బెట్టుకొంటాడో లేదో చూడాలి.
లీకైన పాట… రిలీజ్‌కి రెడీ!
