ఈమ‌ధ్యకాలంలో చిన్న సినిమాలు మ్యాజిక్ చేస్తున్నాయి. ఏమాత్రం అంచ‌నాలు లేకుండా వ‌చ్చి, వ‌సూళ్లు కొల్ల‌గొట్టి వెళ్తున్నాయి. `మ్యాడ్‌` టీజ‌ర్‌, ట్రైల‌ర్‌, పాట‌లూ చూస్తుంటే.. ఇందులోనూ ఏదో విష‌యం ఉంద‌న్న భ‌రోసా క‌లుగుతోంది. సంగీత్‌ శోభ‌న్‌, నార్ని నితిన్‌, రామ్ నితిన్.. అనే ముగ్గురు కొత్త హీరోలు న‌టించిన సినిమా ఇది. క‌ల్యాణ్ శంక‌ర్ ద‌ర్శ‌కుడు. సితార ఎంట‌ర్‌టైన్‌మెంట్స్ సంస్థ నిర్మించింది. ట్రైల‌ర్ క్రేజీగా ఉంది. బ్యాచిల‌ర్ లైఫ్ మీద తెర‌కెక్కించిన పాట కూడా యూత్‌కి బాగా ఎక్కేసింది. దాంతో బేబీలా ఓ స‌ర్‌ప్రైజ్ హిట్ కొడుతుందేమో అనిపిస్తోంది. నిర్మాత నాగ‌వంశీ కూడా ఈ సినిమాని `జాతిర‌త్నాలు`తో పోల్చారు. ఆ సినిమా చూసి ఎలా న‌వ్వారో, ఈ సినిమా చూసి అంత‌కంటే ఎక్కువే న‌వ్వుతార‌ని, అలా న‌వ్వ‌ని ప‌క్షంలో టికెట్ డ‌బ్బులు వెన‌క్కి ఇస్తామంటూ ఓ క్రేజీ ఆఫ‌ర్ ఇచ్చారు. యూత్‌కి సినిమా క‌నెక్ట్ అవ్వ‌డం క‌ష్టం. ఒక్క‌సారి అయితే.. చిన్న సినిమాని సైతం పెద్ద సినిమా స్థాయికి తీసుకెళ్తారు. సితార నుంచి వ‌చ్చిన సినిమాలేవీ కంటెంట్ ప‌రంగా నిరాశ ప‌ర‌చ‌లేదు. మ‌రి మ్యాడ్ ఏం చేస్తుందో చూడాలి. జాతిర‌త్నాలులా ఈ సినిమా కూడా స‌ర్‌ప్రైజ్ హిట్ ఇస్తే.. ప‌రిశ్ర‌మ‌కు మంచిదే క‌దా..?