నాని ‘సరిపోదా శనివారం’ ఈ నెలాఖరున వస్తోంది. పంద్రాగస్టు సినిమాలు విడుదలైన తర్వాత వస్తోంది. ఇప్పటి నుంచే ప్రమోషన్స్ జోరందుకుంటాయి. ఇప్పటివరకూ వచ్చిన టీజర్ గ్లింప్స్ లో ఈ కథ ఏమిటో రివిల్ కాలేదు. కేవలం శనివారం మాత్రమే తన కోపాన్ని చూపించే క్యారెక్టర్ లో నాని కనిపిస్తారనే టాక్ వుంది.
అయితే తొలిసారి నాని ఈ కథ గురించి ఓ ఆసక్తికరమైన సంగతి చెప్పారు.”సూర్య అనే కుర్రాడిలోని కోపాన్ని నియంత్రించడం కోసమని వాళ్ల అమ్మ ప్రతి వారంలో ఓ శనివారమే నీది అని తనకి కేటాయిస్తుంది. అప్పట్నుంచి సూర్య శనివారం రోజు యముడు, మిగతా రోజుల్లో చిత్రగుప్తుడు’ అని ఓ ఆసక్తికరమైన పోలిక చెప్పారు నాని.
Also Read : నాని నుంచి రూ.100 కోట్ల సినిమా
వివేక్ ఆత్రేయ దర్శకత్వం వహిస్తున్న సినిమా ఇది. వీరి కాంబినేషన్ లో వచ్చిన అంటే సుందరానికీ ఒక సెటప్ ఆడియన్స్ కి బాగా నచ్చింది. కానీ బాక్సాఫీసు వద్ద సరిగ్గా ఆడలేదు. ఈ విషయం గురించి నాని ప్రస్తావిస్తూ ” మేం గతంలో చేసిన ‘అంటే… సుందరానికి’ మా ఇద్దరికీ ఎంతో ప్రత్యేకమైన సినిమా. ఈసారి బాక్సాఫీస్‌ పరంగా కూడా హిట్ కొట్టేలా సెట్‌ చేశాడు వివేక్’ అన్నారు. ఆగస్ట్ 29న ఈ సినిమా ప్రేక్షకుల ముందుకు రానుంది. సూర్య ఈ చిత్రంలో ప్ర‌తినాయ‌కుడిగా న‌టించిన సంగతి తెలిసిందే.
