కేసీఆర్ – చంద్ర‌బాబు మ‌ధ్య ‘రిట‌ర్న్ గిఫ్ట్‌’ల వైరం న‌డుస్తోంది. ఇప్పుడు తాజాగా నాగ‌బాబు – శివాజీరాజాల ‘రిట‌ర్న్ గిఫ్ట్’ వ్య‌వ‌హారం టాక్ ఆఫ్ ది ఇండ్ర‌స్ట్రీగా నిలుస్తోంది. ‘మా’ ఎన్నిక‌ల‌లో చివ‌రి నిమిషంలో నాగ‌బాబు రంగ ప్ర‌వేశం చేసి న‌రేష్ ప్యాన‌ల్‌కి మ‌ద్ద‌తు తెలిపాడు. ఈ ఎన్నిక‌ల‌లో శివాజీ రాజా ఓడిపోవ‌డానికి ఓ కీల‌క కార‌ణంగా మారాడు. దీన్ని దృష్టిలో ఉంచుకుని ‘నాగ‌బాబుకి రిట‌ర్న్ గిఫ్ట్ త‌ప్ప‌కుండా ఇస్తా’ అంటూ షాకింగ్ కామెంట్ చేశాడు శివాజీ రాజా.

ఆ రిట‌ర్న్ గిఫ్ట్ ఏమిట‌న్న‌ది ఇప్పుడు ఇండ్ర‌స్ట్రీలో ఆస‌క్తిగా చ‌ర్చించుకుంటున్నారు. శివాజీ రాజా రిట‌ర్న్ గిఫ్ట్ సిద్ద‌మైంద‌ని, త్వ‌ర‌లోనే అది పేల‌బోతోంద‌ని టాక్‌. నాగ‌బాబు జ‌న‌సేన‌లో చేర‌డం, న‌ర‌సాపురం నుంచి పార్ల‌మెంట్‌కి పోటీ చేస్తుండ‌డం తెలిసిన విష‌యాలే. త్వ‌ర‌లో ఆయ‌న ప్ర‌చారం కూడా మొద‌లుపెట్ట‌బోతున్నారు. అయితే నాగ‌బాబుకి వ్య‌తిరేకంగా శివాజీ రాజా కూడా ప్ర‌చారం చేస్తార‌ని తెలుస్తోంది. ఆయ‌న వైకాపా తీర్థం పుచ్చుకుంటున్నారు. ఈరోజు అధికారికంగా వైకాపాలో చేర‌బోతున్నాడు. వైకాపా పార్టీ త‌ర‌పున నాగ‌బాబుకి వ్య‌తిరేకంగా ప్ర‌చారం చేసి త‌ద్వారా నాగ‌బాబు గెలుపుని అడ్డుకోవాల‌ని ఆయ‌న భావిస్తున్నార్ట‌. మొన్న‌టి వ‌ర‌కూ ‘ప‌వ‌న్ చాలా నిజాయ‌తీ ప‌రుడు’ అంటూ స్టేట్‌మెంట్లు ఇచ్చాడు శివాజీ. అలాంటిది ఆ పార్టీనీ, ఆ పార్టీ కోసం ప‌ని చేస్తున్న నాగ‌బాబునీ విమ‌ర్శిస్తాడ‌న్న‌మాట‌. నాగ‌బాబుని ఎలా ఇర‌కాటంలో పెట్ట‌డానికి శివాజీ రాజా అస్గ్రాలు కూడా సిద్దం చేసుకున్నాడ‌ని టాక్‌. మ‌రి అవి ఏ స్థాయిలో పేల‌బోతున్నాయో చూడాలి.