లెజెండ్‌తో విల‌న్‌గా స‌రికొత్త అవ‌తారం ఎత్తాడు జ‌గ‌ప‌తిబాబు. ఆ సినిమా జ‌గ్గూభాయ్ కెరీర్‌లోనే ఓ మైల్ స్టోన్‌గా మిగిలిపోయింది. ఇప్పుడు మ‌రోసారి బాల‌య్య‌కు విల‌న్‌గా మార‌బోతున్నాడు జ‌గ‌ప‌తి. నంద‌మూరి బాల‌కృష్ణ క‌థానాయ‌కుడిగా సి.క‌ల్యాణ్ నిర్మాణంలో ఓ చిత్రం తెర‌కెక్క‌నున్న సంగ‌తి తెలిసిందే. ఇందులో జ‌గ‌ప‌తికి విల‌న్ పాత్ర ద‌క్కింది. ఈనెల 17న ఈ చిత్రాన్ని లాంఛ‌నంగా ప్రారంభిస్తారు. జూన్ నుంచి చిత్రీక‌ర‌ణ మొద‌లెడ‌తారు. `జై సింహా` త‌ర‌వాత బాల‌య్య – కె.ఎస్ ర‌వికుమార్ కాంబినేష‌న్‌లో రూపొందుతున్న చిత్ర‌మిది. ‘జై సింహా’కి సంగీతం అందించిన చిరంత‌న్ భ‌ట్ ఈ చిత్రానికీ స్వ‌రాలు స‌మ‌కూరుస్తారు. ప్ర‌స్తుతం క‌థానాయిక కోసం వేట సాగుతోంది. బాల‌య్య సినిమా అన‌గానే ఇద్ద‌రు ముగ్గురు నాయిక‌లు ఉండ‌డం ప‌రిపాటి. ఈ సినిమాలోనూ క‌థానాయిక‌ల సంఖ్య ఎక్కువ‌గానే క‌నిపించ‌నున్న‌ద‌ని టాక్‌. జ‌గ‌ప‌తిబాబు పాత్ర శ‌క్తిమంతంగా ఉంటుంద‌ని, `లెజెండ్‌`లా… జగ్గూభాయ్ కెరీర్‌కి మ‌రో ట‌ర్నింగ్ పాయింట్ అవుతుంద‌ని చిత్ర‌బృందం చెబుతోంది.