నాని డ్యూయల్ రోల్ చేసిన ‘జెంటిల్‌మెన్‌’ చూశారా? అందులో హీరోయిన్ నివేదా థామస్ ఇంట్రడక్షన్ సీన్ గుర్తుందా? ఓ చర్చిలో పెళ్లికి నాని, నివేదా వెళతారు. అక్కడే నివేదాను నాని చూస్తాడు. తెలుగులో నివేదా అంగీకరించిన తొలి సినిమా ఇది కాకున్నా… విడుదలైన తొలి సినిమా ఇదే. అందుకని ఆమెకు ఆ చర్చ్ అంటే స్పెషల్. ఇప్పుడ ఆ చర్చిలొనే షూటింగ్ చేస్తున్నారామె. నందమూరి కల్యాణ్ రామ్ హీరోగా సినిమాటోగ్రాఫర్ కెవి గుహన్ దర్శకత్వంలో ఓ థ్రిల్లర్ సినిమా తెరకెక్కుతోన్న సంగతి తెలిసిందే. ప్రస్తుతం ఆ సినిమా షూటింగ్ జరుగుతోంది. ఆ ‘జెంటిల్‌మెన్‌’ చర్చిలో కల్యాణ్ రామ్, నివేదాపై కీలక సన్నివేశాలు తెరకెక్కిస్తున్నారు. ‘నా నువ్వే’ విడుదల ముందు వరకూ ఈ షెడ్యూల్ జరుగుతుందని సమాచారం. ఈ సినిమాలో’ ‘అర్జున్ రెడ్డి’ ఫేమ్ షాలిని పాండే మరో హీరోయిన్.