ఈరోజుంతా చిరంజీవి హంగామానే. ఓ ప‌క్క చిరు పుట్టిన రోజు వేడుక‌లు, మ‌రోవైపు ఖైదీ నెం.150 హంగామా… వెర‌సి మెగా ఫ్యాన్స్ ఖుషీ అయిపోతున్నారు. చిరంజీవి కోసం మెగా ఫ్యాన్స్ భారీ ఎత్తున పూజా కార్య‌క్ర‌మాలు నిర్వ‌హిస్తున్నారు. వాటిలో రామ్ చరణ్ కూడా పాల్గొన్నాడు. త‌న తండ్రి కోసం పూజ‌లు చేస్తున్న అభిమానుల‌కు కృత‌జ్ఞ‌త‌లు తెలియ‌జేశాడు.
అంతేకాదు.. ఖైదీ నెం.150 సంగ‌తుల్నీ బ‌య‌ట‌పెట్టాడు చరణ్. క‌థ‌ని అనుగుణంగానే టైటిల్ నిర్ణ‌యించామ‌ని, టీజ‌ర్‌కి మంచి స్పంద‌న వ‌స్తోంద‌ని అన్నాడు. సినిమా అప్ డేట్స్ చెబుతూ… ఇప్ప‌టికే స‌గం సినిమా పూర్త‌య్యింద‌ని, ఫ‌స్టాఫ్‌కి సంబంధించిన స‌న్నివేశాల్ని తెర‌కెక్కించార‌ని చెప్పుకొచ్చాడు. దీపావ‌ళికి ఫ‌స్ట్ లుక్ రిలీజ్ చేద్దామ‌నుకొన్నామ‌ని, అయితే అభిమానుల కోసం ప్రీలుక్ బ‌య‌ట పెట్టాల్సివ‌చ్చింద‌న్నాడు. నిర్మాణంలో పాలుపంచుకోవ‌డం గౌర‌వంగా ఉంద‌ని, అంత‌కు మించి బాధ్య‌త‌గా ఫీలౌతున్నాన‌ని అంటున్నాడు. ఈ సినిమా ఇంత వేగంగా పూర్త‌వ్వ‌డానికి కార‌ణం వినాయ‌క్ మాత్ర‌మే అంటున్నాడు చరణ్. ఈ సినిమాలో మీరూ క‌నిపిస్తారా? అని అడిగితే ”అప్పుడే చెప్ప‌లేం. ఇంకా పాట‌లు తీయాల్సివుంది క‌దా? అప్పుడేమైనా కుదిరితే చూద్దామ” అంటున్నాడు. అంటే… ఈ సినిమాలో చరణ్ కూడా క‌నిపించే ఛాన్సులు పుష్క‌లంగా ఉన్నాయ‌న్న‌మాట.
