ప‌వ‌న్ క‌ల్యాణ్‌, రానాల మ‌ల్టీస్టార‌ర్‌… భీమ్లా నాయ‌క్‌. సాగ‌ర్ చంద్ర ద‌ర్శ‌క‌త్వం వ‌హిస్తున్నాడు. ఈ సినిమాలోని లాలా… భీమ్లా పాట ఈనెల 7న విడుద‌ల కానుంది. ఈలోగా… ప్రోమో రిలీజ్ చేశారు. లాలా.. భీమ్లా.. థీమ్ సాంగే అయినా, ప్రోమోలో మాత్రం యాక్ష‌న్ కీ, పంచ్ కే స్థానం ఇచ్చారు.
`నాగ‌రాజు గారూ.. హార్టీ కంగ్రాట్యులేష‌న్స్ అండీ.. మీకు దీపావ‌ళి పండగ ముందే వ‌చ్చేసిందండీ` అంటూ భీమ్లా బ్లాస్ట్ చేసే షాట్ ప్రోమోలో క‌నిపించింది. బ‌స్తాల మ‌ధ్య ప‌వ‌న్ రివీల్ అవ్వ‌డం… మాస్ కి పండ‌గ‌లా అనిపిస్తుంది. త‌మ‌న్ ఇచ్చిన ఆర్‌.ఆర్‌., ప‌వ‌న్ లుక్‌, గెట‌ప్‌… విజిల్స్ వేయించేలా ఉన్నాయి. పూర్తి పాట‌లోనూ.. ఇలానే ఒక‌ట్రెండు డైలాగులు వినిపించే ఛాన్స్ ఉంద‌ని టాక్‌. ముందైతే సంక్రాంతికి ఈ సినిమాని విడుద‌ల చేయాల‌నుకున్నారు. గ‌తంలో విడుద‌ల చేసిన టీజ‌ర్‌, పోస్ట‌ర్ల‌లో సంక్రాంతి రిలీజ్ అనే ఉంది. ఈసారి మాత్రం రిలీజ్ డేట్ గురించి ప్ర‌స్తావించ‌లేదు. అంటే.. ఈ సినిమా కూడా సంక్రాంతి బ‌రి నుంచి త‌ప్పుకున్న‌ట్టే.
