ఆల్రెడీ ఇద్ద‌రు మెగా హీరోల‌తో ఆడిపాడేసింది లావ‌ణ్య త్రిపాఠి. శ్రీ‌ర‌స్తు – శుభ‌మ‌స్తు కోసం అల్లు శిరీష్‌తో, మిస్ట‌ర్‌లో వ‌రుణ్ తేజ్ తో జోడీ క‌ట్టిన సంగ‌తి తెలిసిందే. ఈసారి మ‌రో మెగా హీరోని ప‌ట్టేసింది. త‌నే సాయిధ‌ర‌మ్ తేజ్‌. అవును.. సాయిధ‌ర‌మ్ – లావ‌ణ్య త్వ‌ర‌లోనే జంట‌గా క‌నిపించ‌బోతున్నారు. ప్ర‌స్తుతం జ‌వాన్ సినిమాతో బిజీగా ఉన్నాడు సాయిధ‌ర‌మ్‌. ఆ వెంట‌నే వి.వి.వినాయ‌క్ ద‌ర్శ‌క‌త్వంలో న‌టించ‌బోతున్నాడు. ఆకుల శివ క‌థ అందించిన ఈ చిత్రం ప్ర‌స్తుతం స్క్రిప్టు ద‌శ‌లో ఉంది. ఇందులో క‌థానాయిక‌గా లావ‌ణ్య‌ని ఎంచుకొన్నార‌ని స‌మాచారం. సాయితో జోడీ క‌ట్ట‌డం లావ‌ణ్య‌కు ఇదే తొలిసారి. ఈ చిత్రంలో మ‌రో క‌థానాయిక‌కీ స్థానం ఉంద‌ట‌. ప్ర‌స్తుతం రెండో క‌థానాయిక కోసం అన్వేష‌ణ సాగుతోంది. త్వ‌ర‌లోనే ఈ చిత్రం క్లాప్ కొట్టుకోబోతోంది. పూర్తి వివ‌రాలు త్వ‌ర‌లో వెల్ల‌డ‌వుతాయి. అన్న‌ట్టు జ‌వాన్ ఫ‌స్ట్ లుక్ రేపు (ద‌ర్శ‌కుడు బివిఎస్ ర‌వి పుట్టిన రోజు సంద‌ర్భంగా) విడుద‌ల చేయ‌బోతున్నారు.