ఖిలాడీ… ఫ్లాప్ త‌ర‌వాత ర‌మేష్ వ‌ర్మ సైలెంట్ అయిపోయాడు. త‌ను నిర్మాత‌గా ర‌వితేజ సోద‌రుడు ర‌ఘు కొడుకు హీరోగా ఓ సినిమా ఎనౌన్స్ చేశారు. కానీ అది ఇప్ప‌టి వ‌ర‌కూ ప‌ట్టాలెక్క‌లేదు. అయితే ఇప్పుడు మ‌ళ్లీ ద‌ర్శ‌కుడిగా బిజీ అవ్వాల‌నే ప్ర‌య‌త్నాల్లో ఉన్నాడు ర‌మేష్ వ‌ర్మ‌. ప్ర‌స్తుతం లారెన్స్‌కి ఓ క‌థ వినిపించాడు. లారెన్స్‌కూడా ఈ సినిమా చేయ‌డానికి రెడీగా ఉన్నాడు. నిర్మాణ సంస్థ కూడా ఓకే అయిపోయింది. లారెన్స్ `చంద్ర‌ముఖి 2` సినిమాతో బిజీగా ఉన్నాడు. ఆ సినిమా అవ్వ‌గానే.. ర‌మేష్ వ‌ర్మ సినిమా మొద‌ల‌య్యే అవ‌కాశాలు ఉన్నాయి. లారెన్స్ తో చేసే క‌థ‌.. రెగ్యుల‌ర్ క‌మ‌ర్షియ‌ల్ సినిమా కాద‌ని తెలుస్తోంది. ఫాంట‌సీ, దైవ శ‌క్తులు… ఈ నేప‌థ్యంలో సాగే క‌థ‌ని స‌మాచారం. బ‌డ్జెట్ కూడా భారీగానే అవ్వ‌బోతోంద‌ట‌. `ఖిలాడీ`కి రూ.50 కోట్ల వ‌ర‌కూ ఖ‌ర్చు పెట్టారు. దానికి మించిన బ‌డ్జెట్ ఇద‌ని స‌మాచారం. పాన్ ఇండియా స్థాయిలో ఈ చిత్రాన్ని విడుద‌ల చేయాల‌నుకొంటున్నారు.