మహేష్ బాబు – త్రివిక్ర‌మ్ కాంబినేష‌న్‌లో ఓ సినిమా తెర‌కెక్కుతోంది. ఇటీవ‌ల ఓ షెడ్యూల్ కూడా అయ్యింది. ఆ షెడ్యూల్ లో భారీ యాక్ష‌న్ పార్ట్ తెర‌కెక్కించారు. ఈ సినిమాకి సంబంధించిన ఓ లేటెస్ట్ న్యూస్ బ‌య‌ట‌కు వ‌చ్చింది. ఇందులో మహేష్ ఓ సాఫ్ట్ వేర్ ఇంజ‌నీర్‌గా క‌నిపించ‌నున్నాడ‌ట. మహేష్ ఈ త‌ర‌హా పాత్ర పోషించ‌డం ఇదే తొలిసారి. ఈనెల 15 నుంచి రెండో షెడ్యూల్ ప్రారంభించే అవ‌కాశం ఉంది. ఈ షెడ్యూల్ లో పూర్తిగా కుటుంబ నేప‌థ్యంలో సాగే స‌న్నివేశాల్ని తెర‌కెక్కిస్తారు. పూజా హెగ్డే క‌థానాయిక‌గా న‌టిస్తోంది. ఇదే షెడ్యూల్ లో పూజా కూడా ఎంట్రీ ఇచ్చే అవ‌కాశాలు ఉన్నాయి. మహేష్ – త్రివిక్ర‌మ్ కాంబోలో రూపొందుతున్న హ్యాట్రిక్ సినిమా ఇది. ఇది వ‌ర‌కు అత‌డు, ఖ‌లేజా… వ‌చ్చాయి. ఈ చిత్రం కోసం ఆల్రెడీ ఓ టైటిల్ లాక్ చేశారు. అదేమిటో అతి త్వ‌ర‌లో ప్ర‌క‌టిస్తారు.
సాఫ్ట్ వేర్ ఇంజ‌నీర్‌… మహేష్?!
